ಬಟ್ಟಬಯಲ ದೃಷ್ಟಾಕಾಶದಲ್ಲಿ ನಾನೊಂದು ದೃಷ್ಟವ ಕಂಡೆ.

ಬಟ್ಟಬಯಲ ದೃಷ್ಟಾಕಾಶದಲ್ಲಿ ನಾನೊಂದು ದೃಷ್ಟವ ಕಂಡೆ. ಹುಟ್ಟಿಹೊಂದದ ಶಿಶುವೊಂದು ಗಟ್ಟಿಗೊಂಡು ಮುಟ್ಟಲೀಯದಿದಿರಿಟ್ಟು ತೋರಿ. ಹೆಸರಿಟ್ಟು ಕರಸಿಕೊಂಡಿತ್ತಿದೇನೊ ! ನೋಡಬಲ್ಲುದು, ನುಡಿಯಲರಿಯದು, ಕೊಡಬಲ್ಲುದು, ಬೇಡಲರಿಯದು, ಕೂಡಬಲ್ಲುದು, ಅಗಲಲರಿಯದಿದೇನೊ ! ತಾನೆ ತಾನಾಗಿ ನಾನೆ ತಾನಾಗಿ ತಾನಾಗಿಬ್ಬರೊಂದಾಗಿ, ಸೌರಾಷ್ಟ್ರ ಸೋಮೇಶ್ವರಾ, ತಾನೊ ನಾನೊ ಏನಂದರಿಯೆ.

Music Transliteration Comment None