ಹರಣವಿರ್ದು ಹರಣವಿಲ್ಲ,
ಹರಣ ಲಿಂಗದಲ್ಲಿ ನಿರ್ಯಾಣವಾಯಿತ್ತಾಗಿ.
ಮನವಿರ್ದು ಮನವಿಲ್ಲ, ಮನವು ಮಹದಲ್ಲಿ ಲಯವಾಯಿತ್ತಾಗಿ.
ಜೀವವಿರ್ದು ಜೀವವಿಲ್ಲ, ಜೀವ ಪರಮನಲ್ಲಿ ಐಕ್ಯವಾಯಿತ್ತಾಗಿ.
ಭಾವವಿದ್ದು ಭಾವವಿಲ್ಲ, ಭಾವ ನಿರ್ಭಾವದಲ್ಲಿ ನಿಂದಿತ್ತಾಗಿ.
ಕರಣಂಗಳಿದ್ದು ಕರಣಂಗಳಿಲ್ಲ, ಕರಣಂಗಳು ಲಿಂಗದ ಕಿರಣಂಗಳೆಯ್ದಿದವಾಗಿ.
ಇಂತು ಸರ್ವವಿದ್ದು ಸರ್ವವಿಲ್ಲ. ಇದು ಕಾರಣ ಸೌರಾಷ್ಟ್ರ ಸೋಮೇಶ್ವರಾ,
ನಿಮ್ಮ ಶರಣರು ಉಂಡು ಉಪವಾಸಿಗಳು, ಬಳಸಿ ಬ್ರಹ್ಮಚಾರಿಗಳು.
Art
Manuscript
Music
Courtesy:
Transliteration
Haraṇavirdu haraṇavilla,
haraṇa liṅgadalli niryāṇavāyittāgi.
Manavirdu manavilla, manavu mahadalli layavāyittāgi.
Jīvavirdu jīvavilla, jīva paramanalli aikyavāyittāgi.
Bhāvaviddu bhāvavilla, bhāva nirbhāvadalli nindittāgi.
Karaṇaṅgaḷiddu karaṇaṅgaḷilla, karaṇaṅgaḷu liṅgada kiraṇaṅgaḷeydidavāgi.
Intu sarvaviddu sarvavilla. Idu kāraṇa saurāṣṭra sōmēśvarā,
nim'ma śaraṇaru uṇḍu upavāsigaḷu, baḷasi brahmacārigaḷu.
