ಹರಿಹರಬ್ರಹ್ಮಾದಿಗಳ ನುಂಗಿತ್ತು ಈ ಮಾಯೆ.
ನವನಾಥಸಿದ್ಧರನಪಹರಿಸಿತ್ತು ಈ ಮಾಯೆ.
ಅರುಹಿರಿಯರನಂಗಂಗೊಂಡಿತ್ತು ಈ ಮಾಯೆ.
ನವಬ್ರಹ್ಮರನಾರಡಿಗೊಂಡಿತ್ತು ಈ ಮಾಯೆ.
ಷಡುದರುಶನಂಗಳ ಶಂಕೆಗಿಕ್ಕಿ ಕಾಡಿತ್ತು ಈ ಮಾಯೆ.
ಹೊನ್ನು ಹೆಣ್ಣು ಮಣ್ಣಾಗಿ ಮೂರು ಲೋಕಂಗಳನಣಲೊಳಗಿಕ್ಕಿ
ಅಗಿಯಿತ್ತು ಈ ಮಾಯೆ.
ಅಖಿಳ ಲೋಕಂಗಳನೊಳಗೊಂಡಿತ್ತು ಈ ಮಾಯೆ.
ಒಂದನೊಳಕೊಂಡಿತ್ತೆ ? ಸರ್ವವನೊಳಕೊಂಡಿತ್ತು,
ಸೌರಾಷ್ಟ್ರ ಸೋಮೇಶ್ವರಾ, ನಿನ್ನ ಮಾಯೆ.
Art
Manuscript
Music Courtesy:
Video
TransliterationHariharabrahmādigaḷa nuṅgittu ī māye.
Navanāthasid'dharanapaharisittu ī māye.
Aruhiriyaranaṅgaṅgoṇḍittu ī māye.
Navabrahmaranāraḍigoṇḍittu ī māye.
Ṣaḍudaruśanaṅgaḷa śaṅkegikki kāḍittu ī māye.
Honnu heṇṇu maṇṇāgi mūru lōkaṅgaḷanaṇaloḷagikki
agiyittu ī māye.
Akhiḷa lōkaṅgaḷanoḷagoṇḍittu ī māye.
Ondanoḷakoṇḍitte? Sarvavanoḷakoṇḍittu,
saurāṣṭra sōmēśvarā, ninna māye.
