ಗುರುಸ್ವಾಮಿ ಧರಿಸುವ ಮಡಿಯ

ಗುರುಸ್ವಾಮಿ ಧರಿಸುವ ಮಡಿಯ ನಾ ಸುತ್ತಿದೆನಾದಡೆ, ಶಿರವು ಬಿರಿದು ಬೀಳಾಗಲಿ ದೇವಾ. ಗುರುಸ್ವಾಮಿ ಧರಿಸುವ ಕಂಠಮಾಲೆಯ ನಾ ಧರಿಸಿದೆನಾದಡೆ, ಕಂಠ ಕತ್ತರಿಸಿ ಹೋಗಲಿ ದೇವಾ. ಗುರುಸ್ವಾಮಿ ಪಾನವ ಮಾಡುವ ಗಿಂಡಿಯಲಿ ನಾ ಪಾನವ ಮಾಡಿದೆನಾದಡೆ ನಾಲಗೆ ಸೀಳಿಹೋಗಲಿ ದೇವಾ. ಗುರುಸ್ವಾಮಿ ಶಯನಿಸುವ ಸುಪ್ಪತ್ತಿಗೆಯಲ್ಲಿ ನಾ ಶಯನ ಮಾಡಿದೆನಾದಡೆ ಎನ್ನಂಗದಲಿ ಕ್ರಿಮಿಗಳು ಬೀಳಲಿ ದೇವಾ, ಕಪಿಲಸಿದ್ಧಮಲ್ಲಿಕಾರ್ಜುನದೇವಾ.

Music Transliteration Comment None