ದೇವಿಯರಿಬ್ಬರಿಲ್ಲದಂದು,

ದೇವಿಯರಿಬ್ಬರಿಲ್ಲದಂದು, ಪ್ರಧಾನಿಮಂತ್ರಿಗಳಿಲ್ಲದಂದು, ಆರಾರೂ ಇಲ್ಲದಂದು ನೀನಾದಿಮುಖಶೂನ್ಯನಯ್ಯಾ. ಅರ್ಥಾಂತಾನ್ವಯಕೆ ನೀ ಮೂಲನೆಂಬೆ. ನಿನ್ನೊಡನೆ ಬಂದಾತ ಬಸವಣ್ಣ. ನೀನು ತಮಂಧದಲ್ಲಿ ಜ್ಞಾನಭಾಸ್ಕರದೀಪ್ತಿಯಂ ಪ್ರವೇಶಿಸಲುಪಟ್ಟಡೆ, ನೀ ಸಕಲವನು ನಿಃಕಲವನು ಪ್ರಾಪಂಚಿಕವನು ತಾತ್ಪರ್ಯವ ಮಾಡುವಾಗ ನೀನೆ ಎಂದೆಂಬೆ, ಅದು ಬಸವಣ್ಣನನುಮತ. ಕಪಿಲಸಿದ್ಧಮಲ್ಲಿಕಾರ್ಜುನಯ್ಯಾ, ನೀನನಾದಿಮೂಲದೊಡೆಯನೆಂದೆಂಬೆ. ನಿಮ್ಮ ಬಲ್ಲಾತ ಬಸವಣ್ಣ; ಗುರು-ಲಿಂಗ-ಜಂಗಮತ್ರಯವು ಬಸವಣ್ಣನಂಶಿಕವು.

Music Transliteration Comment None