ವೇದಂಗಳು ದೈವವಾದಡೆ ಕುಕ್ಕುರ ಕುದುರೆಗಳಾಗಲೇಕೋ?

ವೇದಂಗಳು ದೈವವಾದಡೆ ಕುಕ್ಕುರ ಕುದುರೆಗಳಾಗಲೇಕೋ? ಶಾಸ್ತ್ರಂಗಳು ದೈವವಾದಡೆ ಹೊರಜು ಕಣ್ಣಿಗಳಾಗಲೇಕೋ? ಆಗಮಂಗಳು ದೈವವಾದಡೆ ಕೀಲುಗಲಣಿಕೆಗಳಾಗಲೇಕೋ? ಪುರಾಣಂಗಳು ದೈವವಾದಡೆ ಅಚ್ಚು ಹೊರಜೆಯಾಗಲೇಕೋ? ಚಂದ್ರಸೂರ್ಯರು ದೈವವಾದಡೆ ಗಾಲಿಗಳಾಗಲೇಕೋ? ಇವ ಹಿಡಿದಾಡಿ ಭಜಿಸಿ ಪೂಜೆಮಾಡಿದವರು ದೈವವಾದಡೆ, ಪುಣ್ಯ-ಪಾಪಕ್ಕೀಡಾಗಲೇಕೋ? ಇದು ಕಾರಣ, ವೇದಂಗಳು ದೈವವಲ್ಲ, ಶಾಸ್ತ್ರಂಗಳು ದೈವವಲ್ಲ, ಆಗಮಂಗಳು ದೈವವಲ್ಲ, ಪುರಾಣಂಗಳು ದೈವವಲ್ಲ, ಚಂದ್ರ ಸೂರ್ಯರು ದೈವವಲ್ಲ, ಆತ್ಮನು ದೈವವಲ್ಲ, ಕಪಿಲಸಿದ್ಧಮಲ್ಲಿಕಾರ್ಜುನಾ, ನೀನೊಬ್ಬನೇ ದೈವ.

Transliteration Vēdaṅgaḷu daivavādaḍe kukkura kuduregaḷāgalēkō? Śāstragaḷu daivavādaḍe horaju kaṇṇugaḷāgalēkō? Āgamaṅgaḷu daivavādaḍe kīlugalaṇikegaḷāgalēkō? Purāṇagaḷu daivavādaḍe accu horajeyāgalēkō? Candrasūryaru daivavādaḍe gāḷigaḷāgalēkō? Iva hiḍidāḍi bhajisi pūjemāḍidavaru daivavādaḍe, puṇya-pāpakkīḍāgalēkō? Idu kāraṇa, vēdagaḷu daivavalla, śāstragaḷu daivavalla, āgamaṅgaḷu daivavalla, purāṇagaḷu daivavalla, candra sūryaru daivavalla, ātmanu daivavalla, kapilasid'dhamallikārjunā, nīnobbanē daiva.

Music

Courtesy:

ಪ್ರತಿಕ್ರಿಯೆಗಳು / Comments