ವೀರನಾದಡೆ ವೈರಿಗಳ ಕಾಟ ಬಹಳವಯ್ಯಾ,
ದಾನಶೂರನಾದಡೆ ಯಾಚಕರ ಗೋಳು ಬಹಳವಯ್ಯಾ.
ಅತಿರೂಪನಾದಡೆ ಅಂಗನೆಯರ ಕಾಟ ವಿಶೇಷವಯ್ಯಾ.
ಮೂರರಲ್ಲಿ ನಿಂತಡೆ ಮಲತ್ರಯಂಗಳ ಘೋರ ಹೆಚ್ಚಾಯಿತಯ್ಯಾ.
ಅಂಗದಲ್ಲಿ ಲಿಂಗಸಂಬಂಧವಾಗಬಾರದು;
ಆದ ಬಳಿಕ ವೀರನಾಗಿ ವಿಷಯಂಗಳನಳಿವುದು,
ಬಹುಘೋರವು ಬಹುಘೋರವು ನೋಡಯ್ಯಾ,
ಎಲೆ ಕಪಿಲಸಿದ್ಧಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Vīranādaḍe vairigaḷa kāṭa bahaḷavayyā,
dānaśūranādaḍe yācakara gōḷu bahaḷavayyā.
Atirūpanādaḍe aṅganeyara kāṭa viśēṣavayyā.
Mūraralli nintaḍe malatrayaṅgaḷa ghōra heccāyitayyā.
Aṅgadalli liṅgasambandhavāgabāradu;
āda baḷika vīranāgi viṣayaṅgaḷanaḷivudu,
bahughōravu bahughōravu nōḍayya,
ele kapilasid'dhamallikārjunā.
