ಸರ್ವಂ ಶಿವಮಯಂ ಜಗತ್ ಎಂಬುದ ತಿಳಿಯದೆ
ನುಡಿದವರ ನುಡಿಯಂತೆ ನಡೆಯದಿರಾ ಮನವೆ.
`ಸರ್ವಂ ಶಿವಮಯಂ ಜಗತ್' ಎಂದು ತಿಳಿದು ತಿಳಿದು
ಸುಖಿಯಾಗಾ ಮನವೆ.
ಪಿಂಡ ಬ್ರಹ್ಮಾಂಡಕ್ಕೆ
`ತಿಲಷೋಡಶಭಾಗೇನ ಭೇದೋ ನಾಸ್ತಿ ವರಾನನೇ'
ಎಂಬುದು ಪುಸಿಯಲ್ಲ ನೋಡಾ ಮನವೆ.
ಈಶ್ವರನ ಪಂಚಮುಖದಿಂದ ಪಂಚತತ್ತ್ವಗಳುದಯಿಸಿದವು.
ಆ ತತ್ತ್ವಂಗಳೊಂದೊಂದು ಕೂಡಿ ತನ್ನ ಚೈತನ್ಯ ಬೆರೆಸಿದಲ್ಲಿ,
ಪಿಂಡ ಬ್ರಹ್ಮಾಂಡವೆನಿಸಿತ್ತು ನೋಡಾ ಮನವೆ.
ತನ್ನ ತಾನರಿದು ನೋಡಿದಡೆ,
`ಸರ್ವಂ ಶಿವಕಪಿಲಸಿದ್ಧಮಲ್ಲಿಕಾರ್ಜುನಮಯಂ ಜಗತ್'
ಎಂದರಿದು ಬಂದಿತ್ತು ನೋಡಾ ಮನವೆ.
Art
Manuscript
Music
Courtesy:
Transliteration
`Sarvaṁ śivamayaṁ jagat' embuda tiḷiyade
nuḍidavara nuḍiyante naḍeyadirā manave.
`Sarvaṁ śivamayaṁ jagat' endu tiḷidu tiḷidu
sukhiyāgā manave.
Piṇḍa brahmāṇḍakke
`tilaṣōḍaśabhāgēna bhēdō nāsti varānanē'
embudu pusiyalla nōḍā manave.
Īśvarana pan̄camukhadinda pan̄catattvagaḷudayisidavu.
Ā tattvaṅgaḷondondu kūḍi tanna caitan'ya beresidalli,
piṇḍa brahmāṇḍavenisittu nōḍā manave.
Tanna tānaridu nōḍidaḍe,
`sarvaṁ śivakapilasid'dhamallikārjunamayaṁ jagat'
endaridu bandittu nōḍā manave.
