ಆವುದಾನೊಂದು ಕಾರಣವಾಗಿ
ಶಿವ ಜೀವೈಕ್ಯ ರೂಪವಾದ ವಿದ್ಯೆಯಲ್ಲಿ ಕ್ರೀಡಿಸುತಿರ್ದಪನು
ಜಗತ್ಪ್ರಪಂಚ ರೂಪವಾದ ಮಾಯೆಯನ್ನು ಬಿಡಲು
ಯೋಗ್ಯವಾಗಿರ್ದವನಾಗಿ,
‘ಅನೇನ ನಿರುಕ್ತಿನೈಮಯಿ’ ಪದದ ಮೊದಲಕ್ಷರವಾದ
ನಿರುಕ್ತಿಯಿಂದಮೆ ವೀರ ಮಾಹೇಶ್ವರನೆಂದು
ಅನ್ವರ್ಥ ನಾಮವುಳ್ಳಾತನನ್ನಾಗಿ ನೆನೆಯುವರಯ್ಯ
ಶಾಂತವೀರೇಶ್ವರಾ
ಸೂತ್ರ: ಅನಂತರದಲ್ಲಿ ವೇದಾಂತ ಸಿದ್ಧಾಂತವಾದ ‘ವೀರ’ ಶಬ್ದ ಸಿದ್ಧಾಂತ
ಪ್ರಸಿದ್ಧವಾದ ‘ಶೈವ’ ಶಬ್ದ ‘ಮಾಹೇಶ್ವರ’ ಶಬ್ದಂಗಳನು ಹೇಳಿ ಬಳಿಕ ವೇದಾಗಮ ಶಿರಸಿದ್ಧವಾದ ವೀರಮಾಹೇಶ್ವರ ವೀರಶೈವ ಶಬ್ದಂಗಳನು ಷಟ್ಸೂತ್ರಂಗಳಿಂದ ಹೇಳುತಿರ್ದಪಂ.
