ಶಾಂತವೀರೇಶ್ವರ ಅಂಕಿತದ ಬಿಡಿ ವಚನಗಳು   
Index   ವಚನ - 37    Search  
 
‘ಶುದ್ಧಶೈವಮಿತಿ ಪ್ರೋಕ್ತಂ| ವೀರಶೈವಮತಃ ಶ್ರುಣು’: ಈ ಪ್ರಕಾರದಿಂದ ಶುದ್ಧಶೈವವು ನಿರೂಪಿಸಲ್ಪಟ್ಟಿತ್ತು. ಅಲ್ಲಿಂಧ ಮೇಲೆ ವೀರಶೈವವನು ಕೇಳು: ‘ವೀರತಂತ್ರೇ ಸರ್ವೇಷಾಮಪಿ ಶೈವಾನಾಂ ವೀರಶೈವಂ ಮಹೋತ್ತಮಂ|| ಸುಲಭಾದೇವ ಪೂಜಾ ಸು| ಸುಲಭಂ ಚ ಕ್ರಿಯಾವಹಂ’|| ಎಲೆ ದೇವಿಯೆ, ಸಮಸ್ತ ಶೈವಂಗಳೊಳಗೆ ವೀರಶೈವವೆ ಅತ್ಯುತ್ತಮವಾದುದು. ಆ ವೀರಶೈವ ಮಾಡುವ ಶಿವಪೂಜೆ ಲೇಸಾಗಿ ಸುಲಭವಾದಂಥಾದು. ಪೂಜಾದಿಗಳ ಮಾಟವು ಸುಲಭವಹಂಥಾದುದು. [ಹೀಗೆಂದು] ಈಶ್ವರನು ದೇವಿಯರಿಗೆ ನಿರೂಪಿಸುತ್ತಿರ್ದನಯ್ಯ ಶಾಂತವೀರೇಶ್ವರಾ
Transliteration Comment None