ಹುಸಿಯ ನುಡಿಯನು ಭಕ್ತ, ವ್ಯಸನಕ್ಕೆಳಸನು ಭಕ್ತ,
ವಿಷಯಂಗಳಾತಂಗೆ ತೃಣವು ನೋಡಾ, ಬಯಸುವವನಲ್ಲ ಭಕ್ತ.
ದಯೆಯೆಂಬುದು ತನ್ನ ಕೈಯಲ್ಲಿ,
ಸ್ಮರಣೆಯೆಂಬುದು ತನಗೆ ತೊತ್ತಾಗಿಪ್ಪುದು.
ಕೋಪವೆಂಥದೆಂದರಿಯ, ತಾಪತ್ರಯಂಗಳು ಮುಟ್ಟಲಮ್ಮವು,
ವ್ಯಾಪ್ತಿಗಳಡಗಿದವು. ಲಿಂಗವನೊಳಕೊಂಡ ಪರಿಣಾಮಿ.
ಆತನ ಪಥ ಲೋಕಕ್ಕೆ ಹೊಸತು,
ಲೋಕದ ಪಥವಾತನಿಗೆ ಹೊಸತು.
ತನಗೊಮ್ಮೆಯು ಲಿಂಗಧ್ಯಾನ, ಲಿಂಗಕೊಮ್ಮೆಯು ತನ್ನ ಧ್ಯಾನ.
ಘನಘನಮಹಿಮೆಯ ಹೊಗಳಲೆನ್ನಳವಲ್ಲ.
ಪನ್ನಗಧರ ಕೇಳಯ್ಯಾ, ಚೆನ್ನ ಹಂಪೆಯ ವಿರುಪಯ್ಯಾ,
ನಿಮ್ಮ ನಂಬಿದ ಸತ್ಯಶರಣ ಪರಿಣಾಮಿ.
Art
Manuscript
Music
Courtesy:
Transliteration
Husiya nuḍiyanu bhakta, vyasanakkeḷasanu bhakta,
viṣayaṅgaḷātaṅge tr̥ṇavu nōḍā, bayasuvavanalla bhakta.
Dayeyembudu tanna kaiyalli,
smaraṇeyembudu tanage tottāgippudu.
Kōpaventhadendariya, tāpatrayaṅgaḷu muṭṭalam'mavu,
vyāptigaḷaḍagidavu. Liṅgavanoḷakoṇḍa pariṇāmi.
Ātana patha lōkakke hosatu,
lōkada pathavātanige hosatu.
Tanagom'meyu liṅgadhyāna, liṅgakom'meyu tanna dhyāna.
Ghanaghanamahimeya hogaḷalennaḷavalla.
Pannagadhara kēḷayyā, cenna hampeya virupayyā,
nim'ma nambida satyaśaraṇa pariṇāmi.
