ಯೋನಿಯಿಲ್ಲದ ಸ್ತ್ರೀಗೆ ಶಿಶ್ನವಿಲ್ಲದ ಪುರುಷನು.
ಮೊಲೆ ಮುಡಿ ಇಲ್ಲದ ಸ್ತ್ರೀಗೆ ಕೈಕಾಲು ಇಲ್ಲದ ಪುರುಷನು.
ಇಬ್ಬರ ಸಂಗದಿಂದ ಕರುಳಿಲ್ಲದ
ಶ್ವೇತವರ್ಣದ ಶಿಶುವು ಹುಟ್ಟಿತ್ತು.
ಆ ಶಿಶುವು ನೋಡಿದವರ ನೋಟದಲ್ಲಿ ಸತ್ತು
ಬದುಕಿದವರ ಹೊತ್ತು, ಅತ್ತವರ ನುಂಗಿ,
ಹೆತ್ತವರ ಹೆಸರ ಮಾಜಿ
ಗುಹೇಶ್ವರನ ಚರಣದಲ್ಲಿ ಅಡಗಿತ್ತು.
ಕಾಡನೊಳಗಾದ ಶಂಕರಪ್ರಿಯ ಚನ್ನಕದಂಬಲಿಂಗ
ನಿರ್ಮಾಯಪ್ರಭುವೆ.
Art
Manuscript
Music
Courtesy:
Transliteration
Yōniyillada strīge śiśnavillada puruṣanu.
Mole muḍi illada strīge kaikālu illada puruṣanu.
Ibbara saṅgadinda karuḷillada
śvētavarṇada śiśuvu huṭṭittu.
Ā śiśuvu nōḍidavara nōṭadalli sattu
badukidavara hottu, attavara nuṅgi,
hettavara hesara māji
guhēśvarana caraṇadalli aḍagittu.
Kāḍanoḷagāda śaṅkarapriya cannakadambaliṅga
nirmāyaprabhuve.
