ಪ್ರಥಮ ಗುರು ಕಾಣಲಿಕೆಯಾಗಿ
ಕರ್ಮಂಗಳು ಬೆದರಿ ಬೆಚ್ಚಿದವು:
ಹುಸಿ ಆಸೆಯಾಮಿಷ ತಾಮಸ ಕುಟಿಲಂಗಳು
ತಮಗೆ ತಮ ನಿಂದಿರೆ ಠಾವಿಲ್ಲೆನುತಿದ್ದವು.
ಸದ್ಗುರು ಕಾರುಣ್ಯ ಹಸ್ತಮಸ್ತಕ ಸಂಯೋಗದಲ್ಲಿ
ಪೂರ್ವಗುಣವಳಿದು ಪುನರ್ಜಾತನಾಗಿ,
ಕರಣಾದಿಗಳ ಗುಣಂಗಳ ಕಳೆದು ಶಿವಲಿಂಗದಲ್ಲಿ ಉಳಿದು,
ಅನುಪಮ ಸುಖಸಾರಾಯ ಶರಣನೆನಿಸಿ[ದ] ಕಾರಣ.
ಇದನರಿದು ಲಿಂಗದಲ್ಲಿ ತದುಗತನಾಗಿದ್ದನು.
ಜಂಗಮದಲ್ಲಿ ಕರುಣವ ಪಡೆದು
ಭವಿಯನೊಲ್ಲೆನೆಂದು ಬೇರೆ ನಿಂದ ಕಾರಣ,
ಕೂಡಲಚೆನ್ನಸಂಗಮದೇವಾ
ನಿಮ್ಮ ಶರಣ ಬಸವಣ್ಣನೆನ್ನ ಭವಕಲ್ಪಿತವ ಕಳೆದ.
