ತನುವ್ಯಸನ ಮನವ್ಯಸನ ಧನವ್ಯಸನ ವಾಹನವ್ಯಸನ
ಉತ್ಸಾಹವ್ಯಸನ ವಿಶ್ವವ್ಯಸನ ಸೇವಕವ್ಯಸನ
ಇಂತೀ ಸಪ್ತವ್ಯಸನಂಗಳು:
ತನುವ್ಯಸನ ವಸ್ತು ಆಭರಣ ವೀಳೆಯ ಬಯಸೂದು,
ಮನವ್ಯಸನ ಕಳವು ಹುಸಿ ಪಾರದ್ವಾರವ ಬಯಸೂದು,
ಧನವ್ಯಸನ ರಾಜ್ಯವ ಬಯಸೂದು.
ವಾಹನವ್ಯಸನ ಆನೆ ಕುದುರೆ ಸೇನೆ ಬಯಸೂದು,
ವಿಶ್ವವ್ಯಸನ ಚತುರ್ವಿಧಕರ್ತವ್ಯ ಬಯಸೂದು,
ಉತ್ಸಾಹವ್ಯಸನ ಪುತ್ರ ಮಿತ್ರ ಕಳತ್ರವ ಬಯಸೂದು,
ಸೇವಕವ್ಯಸನ ಉಣಲಾರೆ,
ಉಡಲಾರೆ ತೊಡಲಾರೆನೆಂದೆನುತ್ತಿಹುದು.
ಈ ಸಪ್ತವ್ಯಸನಂಗಳಂ ಬಿಟ್ಟು ಲಿಂಗವ್ಯಸನಿಯಾಗಬಲ್ಲರೆ
ಕೂಡಲಚೆನ್ನಸಂಗಯ್ಯನಲ್ಲಿ ಪ್ರಾಣಲಿಂಗಿಗಳೆಂಬೆನು.
Art
Manuscript
Music
Courtesy:
Transliteration
Tanuvyasana manavyasana dhanavyasana vāhanavyasana
utsāhavyasana viśvavyasana sēvakavyasana
intī saptavyasanaṅgaḷu:
Tanuvyasana vastu ābharaṇa vīḷeya bayasūdu,
manavyasana kaḷavu husi pāradvārava bayasūdu,
dhanavyasana rājyava bayasūdu.
Vāhanavyasana āne kudure sēne bayasūdu,
viśvavyasana caturvidhakartavya bayasūdu,
utsāhavyasana putra mitra kaḷatrava bayasūdu,
sēvakavyasana uṇalāre,
uḍalāre toḍalārenendenuttihudu.
Ī saptavyasanaṅgaḷaṁ biṭṭu liṅgavyasaniyāgaballare
kūḍalacennasaṅgayyanalli prāṇaliṅgigaḷembenu.
ಸ್ಥಲ -
ಪ್ರಾಣಲಿಂಗಿಯ ಜ್ಞಾನಿಸ್ಥಲ
