ಅಂಗಸಂಬಂಧ ಲಿಂಗವಾದ ಬಳಿಕ

ಅಂಗಸಂಬಂಧ ಲಿಂಗವಾದ ಬಳಿಕ ಲಿಂಗೋಪಜೀವಿಯಾಗಿರಬೇಕು. ಲಿಂಗಸಂಬಂಧ ಅಂಗವಾದ ಬಳಿಕ ಲಿಂಗೋಪಜೀವಿಯಾಗಿರಬೇಕು, ಇದಾವ ಸಂಬಂಧವಿಲ್ಲದೆ ಆಶ್ರಯ ಗುಣದಿಂದ ಲಾಂಛನವಾದುದೇನಯ್ಯಾ? "ಲಾಂಛನಂ ದುರ್ಲಭಂ ಚೈವ ಸ್ವಾನುಭಾವೋಹ್ಯತಃ ಪರಮ್| ದುರ್ಲಭಂ ಶಿವತತ್ತ್ವಂ ಚ ಪ್ರಾಣಲಿಂಗಮತಃ ಪರಮ್"|| ಎಂದುದಾಗಿ, ಆಶ್ರಯದ ಪರಿಯಲ್ಲ; ನಿರಾಶ್ರಯದ ಪರಿಯಲ್ಲ, ಲಿಂಗಸಾರಾಯ ಶರಣ. ಇದು ಕಾರಣ, ಕೂಡಲಚೆನ್ನಸಂಗಯ್ಯನಲ್ಲಿ ಮಹದನುಭಾವ, ನಿರ್ಗಮನವಾದ ಬಳಿಕ.

Transliteration Sthala Comment None