ಲಿಂಗದಲ್ಲಿ ಸತ್ಕ್ರಿಯಾಚಾರವ
ಮನಸೋಂಕಿ ಆಚರಿಸುವಲ್ಲಿ ಮಾರ್ಗಕ್ರಿಯಾಭ್ಯಾಸಿ.
ಆ ಅಭ್ಯಾಸಕ್ರೀ ಬಲಿದು ಲಿಂಗದಲ್ಲಿ ನೆನಹು ನಿಂದು
ಲಿಂಗವ ಮನ ನೆಮ್ಮಿ ಆಚರಿಸುವಲ್ಲಿ ಮಾರ್ಗಕ್ರೀ.
ಮಾರ್ಗಕ್ರೀ ಬಲಿದು ಮನ ಲಿಂಗನಿಜವಾಗಿ
ಆಚರಿಸುವಲ್ಲಿ ಮೀರೀದಕ್ರೀ.
ಆ ಮೀರಿದಕ್ರೀ ಬಲಿದು ಸರ್ವಾಚಾರಸಹಿತವಾಗಿ
ಮಹಾಘನವನಾಚರಿಸುವಲ್ಲಿ ಮೀರಿದ ಕ್ರಿಯಾನಿಷ್ಪತ್ತಿ.
ಈ ಚತುರ್ವಿಧ ಸ್ಥಲವನೊಳಕೊಂಡ
ಘನ ಕೂಡಲಚೆನ್ನಸಂಗಯ್ಯನಲ್ಲಿ
ಈ ಕಾಯವೇ ಪ್ರಸಾದಕಾಯವಾಗಿತ್ತು.
