ಸ್ವಯಂಪ್ರಕಾಶಲಿಂಗದಲ್ಲಿ ಸ್ವಯಂಜ್ಞಾನಿ ನಿಂದು,
ಸ್ವಯವ ತೋರುತಿಪ್ಪನು ನೋಡಾ.
ಆ ಸ್ವಯವ ನೋಡಹೋಗದ ಮುನ್ನ ಅದು ಎನ್ನ ನುಂಗಿತ್ತು.
ಅದಕ್ಕೆ ಓಂ ಎಂಬ ಶ್ರುತಿ, ಪವನಧ್ಯಾನ ಲಿಂಗಧ್ಯಾನ ಮಹಾಧ್ಯಾನ.
ಧ್ಯಾನ ಮೌನವ ನುಂಗಿ, ಮೌನ ಧ್ಯಾನವ ನುಂಗಿ,
ಧ್ಯಾನಮೌನವಿಲ್ಲದೆ ಪರವಶದಲ್ಲಿ ನಿಂದು
ಪರಕ್ಕೆ ಪರವನೈದಿದ ನೋಡಾ
ಝೇಂಕಾರ ನಿಜಲಿಂಗಪ್ರಭುವೆ.
Art
Manuscript
Music
Courtesy:
Transliteration
Svayamprakāśaliṅgadalli svayan̄jñāni nindu,
svayava tōrutippanu nōḍā.
Ā svayava nōḍahōgada munna adu enna nuṅgittu.
Adakke ōṁ emba śruti, pavanadhyāna liṅgadhyāna mahādhyāna.
Dhyāna maunava nuṅgi, mauna dhyānava nuṅgi,
dhyānamaunavillade paravaśadalli nindu
parakke paravanaidida nōḍā
jhēṅkāra nijaliṅgaprabhuve.
ಸ್ಥಲ -
ಮಹಾಜ್ಞಾನ ಉದಯವಾದ ಸ್ಥಲ
