ಅಂಥ ಬ್ರಹ್ಮಾಂಡವ ಎಂಬತ್ತುಕೋಟಿಯ ಮೇಲೆ
ಮೂರುಸಾವಿರದಾ ಐವತ್ತೆಂಟು ಬ್ರಹ್ಮಾಂಡವನೊಳಕೊಂಡುದೊಂದು
ಈಶ್ವರವೆಂಬ ಭುವನ.
ಆ ಭುವನದೊಳು ಸದಾಶಿವನೆಂಬ ಮಹಾರುದ್ರಮೂರ್ತಿ ಇಹನು.
ಆ ರುದ್ರಮೂರ್ತಿಯ ಓಲಗದಲ್ಲಿ
ಸಾವಿರ ಕೋಟಿಯ ಮೇಲೆ ಹನ್ನೆರಡನೂರಾ ಅರುವತ್ತುಕೋಟಿ
ಬ್ರಹ್ಮ ರುದ್ರ ನಾರಾಯಣರಿಹರು.
ಸಾವಿರ ಕೋಟಿಯ ಮೇಲೆ ಹನ್ನೆರಡುನೂರಾ ಅರವತ್ತುಕೋಟಿ
ವೇದಪುರುಷರು ಮುನೀಂದ್ರರು
ಇಂದ್ರಚಂದ್ರಾದಿತ್ಯರು ದೇವರ್ಕಳಿಹರು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
