ಏಳುಸುತ್ತಿನ ಕೋಟೆಗೆ ಒಂಬತ್ತು ಬಾಗಿಲು,

ಏಳುಸುತ್ತಿನ ಕೋಟೆಗೆ ಒಂಬತ್ತು ಬಾಗಿಲು, ಇಪ್ಪತ್ತೈದು ಗ್ರಾಮ ನೋಡಾ. ಇಪ್ಪತ್ತೈದು ಗ್ರಾಮದೊಳಗೆ ಎಂಟಾನೆ, ಹತ್ತು ಕುದುರೆ, ಅರುವತ್ತಾರುಕೋಟಿ ಕಾಲಾಳು, ಐವರು ತಳವಾರರು, ನಾಲ್ವರು ಪ್ರಧಾನಿಗಳು, ಏಳುಮಂದಿ ಅರಸರು, ಒಬ್ಬ ರಾಯನು, ಇಷ್ಟನು ಕೂಡಿಕೊಂಡು ಹನ್ನೆರಡುಗಾವುದ ದಾಳಿಯೋಗಿ, ಎಂಟುಗಾವುದ ತಿರುಗಲೊಡನೆ ಆ ಇಪ್ಪತ್ತೈದು ಗ್ರಾಮವನು, ಎಂಟಾನೆಯನು, ಹತ್ತು ಕುದುರೆಯನು, ಅರುವತ್ತಾರುಕೋಟಿ ಕಾಲಾಳನು, ಐವರು ತಳವಾರರನು, ನಾಲ್ವರು ಪ್ರಧಾನಿಗಳನು, ಏಳುಮಂದಿ ಅರಸುಗಳನು, ಒಬ್ಬ ರಾಯನನು ಒಬ್ಬ ಸೂಳೆ ನುಂಗಿದಳು ನೋಡಾ ಅಪ್ರಮಾಣಕೂಡಲಸಂಗಮದೇವಾ.

Transliteration Sthala Comment None