ಕಾಯವನರ್ಪಿಸಿಕೊಂಡವರೆಂದು ಹೇಳುವರು

ಕಾಯವನರ್ಪಿಸಿಕೊಂಡವರೆಂದು ಹೇಳುವರು ಕರ್ಮಬಾಧೆಯಲ್ಲಿ ಮುಳುಗುವರು. ಮನವನರ್ಪಿಸಿಕೊಂಡವರೆಂದು ಹೇಳುವರು ಕರಣಗುಣಕಲ್ಪನೆಯೊಳೊಪ್ಪುವರು. ಪ್ರಾಣವನರ್ಪಿಸಿಕೊಂಡವರೆಂದು ಹೇಳುವರು ದಶವಾಯುಪ್ರಕೃತಿಯಲ್ಲಿ ವರ್ತಿಸುತ್ತಿಹರು. ಸರ್ವಾಂಗವನರ್ಪಿಸಿಕೊಂಡವರೆಂದು ಹೇಳುವರು. ಮಿಥ್ಯಾ ಸಂಸ್ಕೃತಿ ಭ್ರಾಂತಗೊಂಡಿಪ್ಪರು. ಇಂತೀ ಸಂತೆಯ ಮಾಡಿ ಹೋಗುವ ಸಕಲ ಪ್ರಾಣಿಗಳು ನಿಮಗೆಂತು ಅರ್ಪಿಸಿಕೊಂಬುವರಯ್ಯಾ ಗುರುನಿರಂಜನ ಚನ್ನಬಸವಲಿಂಗಾ?

Transliteration Sthala Comment None