ತನುರಹಿತವಾಗಿ ನಿಂದಾತ ಶರಣ ;

ತನುರಹಿತವಾಗಿ ನಿಂದಾತ ಶರಣ ; ಮನತರಹರವಾಗಿ ನಿಂದಾತ ಶರಣ ; ಪ್ರಾಣತರಹರವಾಗಿ ನಿಂದಾತ ಶರಣ. ಇಂತಲ್ಲದೆ ತನು ಆಣವಮಲದಲ್ಲಿ ತರಹರವಾಗಿ, ಮನ ಮಾಯಾಮಲದಲ್ಲಿ ತರಹರವಾಗಿ, ಪ್ರಾಣ ಕಾರ್ಮಿಕಮಲದಲ್ಲಿ ತರಹರವಾಗಿ, ಇಂತಿರ್ದು ನಾನು ಭಕ್ತ ನಾನು ಮಾಹೇಶ್ವರ ನಾನು ಪ್ರಸಾದಿ ನಾನು ಪ್ರಾಣಲಿಂಗಿ ನಾನು ಶರಣ ನಾನು ಐಕ್ಯನೆಂಬ ನುಡಿಗಡಣವ ಕಂಡು ಮೃಡನ ಶರಣರು ಕೈಹೊಡೆದು ನಗುತಿರ್ದರು ಕಾಣಾ ಗುರುನಿರಂಜನ ಚನ್ನಬಸವಲಿಂಗಾ.

Transliteration Sthala Comment None