ದೇಶಿಕೇಂದ್ರ ಸಂಗನಬಸವಯ್ಯ   
Index   ವಚನ - 707    Search  
 
ಸುಚಿತ್ತ ಸುಬುದ್ಧಿಯೆಂಬ ಹಸ್ತವನು ಸ್ಥೂಲತನುಸನ್ನಿಹಿತವಾಗಿ ಸತ್ಕಳೆಯೊಳೊಪ್ಪುತಿರ್ದನು ಕಾಣಾ. ನಿರಹಂಕಾರ ಸುಮನವೆಂಬ ಹಸ್ತವನು ಸೂಕ್ಷ್ಮತನುಸನ್ನಿಹಿತವಾಗಿ ಚಿತ್ಕಳೆಯೊಳೊಪ್ಪುತಿರ್ದನು ಕಾಣಾ. ಸುಜ್ಞಾನ ಸದ್ಭಾವವೆಂಬ ಹಸ್ತವನು ಕಾರಣತನುಸನ್ನಿಹಿತವಾಗಿ ಆನಂದಕಳೆಯೊಳೊಪ್ಪುತಿರ್ದನು ಕಾಣಾ. ತನುತ್ರಯಸನ್ನಿಹಿತವಾದ ಷಡ್ವಿಧಹಸ್ತದೊಬ್ಬುಳಿಯೊಡವೆರೆದ ಗುರುನಿರಂಜನ ಚನ್ನಬಸವಲಿಂಗದಲ್ಲಿ ಘನಪರಿಣಾಮಿಯಾಗಿ ಒಪ್ಪುತಿರ್ದನು ಕಾಣಾ ಶರಣನು.
Transliteration Sthala Comment None