ಬ್ರಾಹ್ಮಣ ಮೂರ್ಖ ಪಂಡಿತ ಬ್ರಹ್ಮಚಾರಿ ಗೃಹಸ್ಥ
ವಾನಪ್ರಸ್ಥ ಯತಿಯಾದಡಾಗಲಿ,
ಶ್ರೀರುದ್ರಾಕ್ಷಿಯನೊಲಿದು ಧರಿಸುವುದು ಕಾಣಿರಣ್ಣ.
ಮತ್ತೆ, ಜಪಕಾಲದಲ್ಲಿ, ತಪಕಾಲದಲ್ಲಿ, ದೇವಪೂಜೆಯಲ್ಲಿ,
ಶ್ರೀರುದ್ರಾಕ್ಷಿಯನೊಲಿದು ಧರಿಸುವುದು ಕಾಣಿರಣ್ಣ.
ಈ ಶ್ರೀಮಹಾ ರುದ್ರಾಕ್ಷಿಯನೊಲಿದು ಧರಿಸಿದ ಮಹಾತ್ಮನು,
ಹೆಜ್ಜೆ ಹೆಜ್ಜೆಗೆ ಅಶ್ವಮೇಧಶತಯಾಗದ ಫಲವ ಪಡೆದು,
ಬಳಿಕ ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ ಕೂಡಿ,
ಸುಖದಿಹನು ಕಾಣಿರಣ್ಣ.
Art
Manuscript
Music
Courtesy:
Transliteration
Brāhmaṇa mūrkha paṇḍita brahmacāri gr̥hastha
vānaprastha yatiyādaḍāgali,
śrīrudrākṣiyanolidu dharisuvudu kāṇiraṇṇa.
Matte, japakāladalli, tapakāladalli, dēvapūjeyalli,
śrīrudrākṣiyanolidu dharisuvudu kāṇiraṇṇa.
Ī śrīmahā rudrākṣiyanolidu dharisida mahātmanu,
hejje hejjege aśvamēdhaśatayāgada phalava paḍedu,
baḷika nijaguru svatantrasid'dhaliṅgēśvarana kūḍi,
sukhadihanu kāṇiraṇṇa.
