ಯೋಗ ಶಿವಯೋಗಗಳ ಹೊಲಬನರಿಯದೆ

ಯೋಗ ಶಿವಯೋಗಗಳ ಹೊಲಬನರಿಯದೆ ಯೋಗಿಗಳು ಶಿವಯೋಗಿಗಳು ಎಂದರೆ, ಸೀಳ್ನಾಯಿ ಸಿಂಹವಾಗಬಲ್ಲುದೆ? ಯೋಗದ ಅಷ್ಟಾಂಗವನು, ಶಿವಯೋಗದ ಷಟ್ ಸ್ಥಲವನು ಶಿವಲಿಂಗದಲ್ಲಿ ಹುರಿಗೊಳಿಸಿದಲ್ಲದೆ ಯೋಗ ಶಿವಯೋಗಗಳ ಹೊಲಬಿನ ನಿಲುಕಡೆಯು ನಿಲುಕದು. ಅದೆಂತೆಂದೊಡೆ: ಯಮ ನಿಯಮಗಳ ಗುಣಧರ್ಮಗಳನರಿತಾಚರಿಪನೆ ಭಕ್ತ ಆಸನಗಳ ಭೇದವನರಿತಾಚರಿಪನೆ ಮಹೇಶ್ವರ, ಚರಾಚರಾತ್ಮಕವೆನಿಪ್ಪ ಪ್ರಾಣಿಗಳಿಗೆ ಲಯಸ್ಥಾನವಾದ, ಪ್ರಾಣಾಯಾಮದ ಭೇದವನರಿತಾಚರಿಪನೆ ಪ್ರಾಣಲಿಂಗಿ , ಪಂಚೇಂದ್ರಿಯ ವಿಷಯಂಗಳಲ್ಲಿ ಸಂಚರಿಪ ಮನ-ಮಾರುತಂಗಳ ಸಂಯಮದ ನಿಗ್ರಹದ, ಪ್ರತ್ಯಾಹಾರವನರಿತಾಚರಿಪನೆ ಪ್ರಸಾದಿ, ಇಷ್ಟಲಿಂಗಧ್ಯಾನದ ಮೂಲವನರಿತು ಭಾವದ ಹಸ್ತದಲ್ಲಿ ಧರಿಸುವ ಮಹಾಲಿಂಗದ ಧ್ಯಾನ- ಧಾರಣಗಳನರಿತಾಚರಿಪನೆ ಶರಣ ಅಂತಪ್ಪ ಭಾವದ ಹಸ್ತದಲ್ಲಿ ಧ್ಯಾನಧಾರಣಗಳಿಂದ ತಂದ ಮಹಾಲಿಂಗದಲ್ಲಿ ಕೂಡಿ ಸಮರಸವಾಗುವ ಸಮಾಧಿಯನರಿತಾಚರಿಪನೆ ಐಕ್ಯ. ಅದೆಂತೆಂದೊಡೆ: ಯೋಗಜಾಗವೇ “ಯಮೇನ ನಿಯಮೈನೈವಮನ್ಯೇಭಕ್ತ ಇತಿ ಸ್ವಯಂ ಸ್ಥಿರಾಸನಸಮಾಯುಕ್ತೋ ಮಾಹೇಶ್ವರ ಪದಾನ್ವಿತಃ ಚರಾಚರಲಯಸ್ಥಾನಂ ಲಿಂಗಮಾಕಾಶಸಂಜ್ಞ ಕಂ ಪ್ರಾಣೇತದ್ಯೋಮ್ನಿ ತಲ್ಲೀನೇ ಪ್ರಾಣಲಿಂಗಿಭವೇತ್ಸುಮಾನೆ ಪ್ರತ್ಯಾಹಾರೇಣ ಸಂಯುಕ್ತಃ ಪ್ರಸಾದೀತಿ ನ ಸಂಶಯಃ ಧ್ಯಾನಧಾರಣ ಸಂಪನ್ನಃ ಶರಣಸ್ಥಲವಾನೆಸುಧಿಃ ಲಿಂಗೈಕ್ಯೋದ್ವೈತಭಾವತ್ಮಾ ನಿಶ್ಚಲೈಕಸಮಾಧೀನಾ ಏವಮಷ್ಟಾಂಗಯೋಗೇನ ವೀರಶೈವೋಣಭವೇನ್ನರಃ ತಸ್ಮಾತ್ ಸರ್ವಪ್ರಯತ್ನೇನ ಕರ್ಮಣಾಜ್ಞಾನತೋಪವಾ ತ್ವಮಪ್ರಯಷ್ಟಾಂಗ ಮಾರ್ಗೇಣ ಶಿವಯೋಗೀಭವೇತ್ ಎಂಬುದಾಗಿ, ಇಂತಪ್ಪ ಅಷ್ಟಾಂಗಯೋಗದ ಕೀಲವನು ಷಟ್ ಸ್ಥಲ, ಶಿವಯೋಗದಲ್ಲಿ, ನಿಜವೀರಶೈವನಾಗುವ ನಿಲುವಳಿನರಿಯನರಿದು, ನಮ್ಮ ಗುಹೇಶ್ವರಲಿಂಗದಲ್ಲಿ ನಿಬ್ಬೆರಗುಗೊಂಡವರಿಬ್ಬರು ಶಿವಸಿದ್ಧರಾಮ, ನಿಜಗುಣಶಿವಯೋಗಿಗಳು ಕೇಳಾ ಗೋರಕ್ಷಯ್ಯ.

Music Hindi Transliteration Comment None