ಯೋಗ ಶಿವಯೋಗವೆಂಬರು,

ಯೋಗ ಶಿವಯೋಗವೆಂಬರು, ಯೋಗದ ಶಿವಯೋಗದ ಹೊಲಬನಾರು ಬಲ್ಲರಯ್ಯಾ? ಹೃದಯಕಮಲ ಮಧ್ಯದಲ್ಲಿ ಭ್ರಮಿಸುವ ಜೀವ ಹಂಸನ ಗತಿಯನತಿ ಗಳೆದಲ್ಲದೆ ಯೋಗವೆಂತಪ್ಪುದೊ? ಐವತ್ತೆರಡಕ್ಷರದ ಲಿಪಿಯ ಓದಿ ನೋಡಿ ತಿಳಿದಲ್ಲದೆ ಯೋಗವೆಂತಪ್ಪುದೊ? ಆರುನೆಲೆಯ ಮೇಲಿಪ್ಪ ಮಣಿಮಾಡದೊಳಗೆ ಇರಬಲ್ಲಡೆ ಅದು ಯೋಗ! `ಸ್ಯೋಹಂ' ಎಂಬಲ್ಲಿ ಸುಳುಹಡಗಿ ಮನ ನಷ್ಟವಾಗಿರಬಲ್ಲ ಕಾರಣ, ಗುಹೇಶ್ವರಲಿಂಗದಲ್ಲಿ ನೀನು ಸ್ವತಂತ್ರಧೀರನೆಂಬುದು ಕಾಣಬಂದಿತ್ತು ನೋಡಾ, ಸಿದ್ಧರಾಮಯ್ಯಾ.

Music Hindi Transliteration Comment None