ಅಕಾರ ಉಕಾರ ಈ ಎರಡೂ ಕೂಡಿ ಓಂಕಾರವಾಯಿತ್ತು

ಅಕಾರ ಉಕಾರ ಈ ಎರಡೂ ಕೂಡಿ ಓಂಕಾರವಾಯಿತ್ತು ಮಕಾರವೆಂಬ ಬಿಂದು ಕೂಡಲು ಓಂ ಎಂಬುವನ್ಯೋದ್ಧಾರಣವಾಯಿತ್ತು ಆ ವರ್ಣವೆ ಪಂಚಾವಯವನುಳ್ಳ ಪರಬ್ರಹ್ಮವೆಂದು ಸಮಸ್ತಯೋಗೀಶ್ವರರು ಹೇಳುತ್ತಲಿಹರು ಅದೆಂತೆಂದಡೆ : ಅಕಾರೋಕಾರ ಸಂಯೋಗದೋಕಾರಃ ಸ್ವರ ಉಚ್ಯತೇ | ಓಮಿತ್ಯೇಕಾಕ್ಷರಂ ಬ್ರಹ್ಮವದಂತಿ ಸರ್ವಯೋಗಿನಃ || ಸರ್ವವ್ಯಾಪಿ ನಮೋಕಾರಂ ಮತ್ವಾಧಿರೋ ನ ಶೋಚತಿ| ಪ್ರಣವೋಹಿ ಪರಬ್ರಹ್ಮ ಪ್ರಣವಃ ಪರಮಂ ಪದಂ || ಎಂದುದಾಗಿ, ಆ ಪಂಚಾವಯವನುಳ್ಳ ಪ್ರಣಮದ ತಾರಕೃತಿಯಲ್ಲಿ ಯಕಾರ ಜನಿಸಿತ್ತು. ಆ ಪ್ರಣಮದ ದಂಡಾಕೃತಿಯಲ್ಲಿ ವಕಾರ ಹುಟ್ಟಿತ್ತು ಆ ಪ್ರಣಮದ ಕುಂಡಲಿಯಲ್ಲಿ ಶಿಕಾರ ಉದಯವಾಯಿತ್ತು. ಆ ಪ್ರಮಾಣದ ಅರ್ಧಚಂದ್ರಾಕೃತಿಯಲ್ಲಿ ಮಕಾರ ಹುಟ್ಟಿತ್ತು. ಆ ಪ್ರಮಣಕ್ಕೆ ಮುಖವಾದ ಬಿಂದುವಿನಲ್ಲಿ ನಕಾರ ಜನನವಾಯಿತ್ತು, ಅದೆಂತೆಂದಡೆ: ಯಕಾರಂ ತಾರಕಂ ಜ್ಞೇಯಂ ವಕಾರಂ ದಂಡ ಉಚ್ಯತೇ | ಶಿಕಾರಂ ಕುಂಡಲಂ ಪ್ರೋತ್ತಂ ಮಕಾರಂ ಚೌರ್ಧಚಂದ್ರಕಂ| ನಕಾರಂ ಬಿಂದು ಸಂಪ್ರೊತ್ತಂ ಪ್ರಣವಃ ಪಂಚವರ್ಣಜಃ || ಎಂದುದಾಗಿ, ಮತ್ತಂ ನಕಾರಂ ಕರ್ಮೇಂದ್ರಿಯಂಗಳು ಹುಟ್ಟಿದವು. ಮಕಾರದಿಂ ವಿಷಯಂಗಳು ಜನನವಾದವು ಶಿಕಾರದಿಂ ಜ್ಞಾನೇಂದ್ರಿಯಂಗಳುತ್ಪತ್ತಿ ವಕಾರದಿಂ ವಾಯುಗಳು ಹುಟ್ಟಿದವು ಯಕಾರಂ ಕರಣಂಗಳು ಜನನವಾದವು ಓಂಕಾರವೆ ಸರ್ವಚೇತನಾತ್ಮಕವಾಯಿತ್ತು. ಅದೆಂತೆಂದಡೆ: ನಕಾರಂ ಕರ್ಮಸಂಜಾತಮಕಾರೋ ವಿಷಯೋದ್ಭವಃ| ಶಿಕಾರಮಿಂದ್ರಿಯಂ ಪ್ರೋತ್ತಂ ವಕಾರಂ ವಾಯುರುಚ್ಯತೇ|| ಯಕಾರಂ ಕರಣೋತ್ಪತ್ತಿ ಓಂಕಾರಂ ಚೇತನಾತ್ಮಕಃ| ಮಂತ್ರಮೂರ್ತಿಮಿದಂ ದೇವಿ ಏವಂ ಜ್ಞಾತ್ವಾ ವಿಚಕ್ಷಣಃ || ಎಂದುದಾಗಿ, ಇಂತಪ್ಪ ಮಂತ್ರಮೂರ್ತಿಯಾದ ಚೇತನಾತ್ಮಕ ತಾನೆ, ಪರಮಗುರುವೆ ನಂಜುಂಡಶಿವಾ.

Transliteration Comment None