ಹರಿ ಹತ್ತು, ಹೊಲಿವುದೊಂದೆ ಸೂಜಿ.
ಸರಗೆಂಟು, ಮಡಿಸೂದೊಂದೆ ಕೈ.
ಅಡಿ ಆರು, ನಡೆವುದೊಂದೆ ಕಾಲು.
ನುಡಿ ಮೂರು, ಅರಿವುದೊಂದೆ ಆತ್ಮ.
ಇಂತೀ ಒಂದರೊಳಗೊಂದಡಗಿ,
ಸಂದಿಲ್ಲದ ನೂಲ ಮೂಲೆಯ ಗಂಟನಿಕ್ಕಿ,
ಒಂದಕ್ಕೆ ಮೂರು, ಮೂರಕ್ಕೆ ಆರು,
ಆರ ವಿಭಾಗಿಸಿ ಮೂವತ್ತಾರ ಬೇರರಿವ,
ಇಪ್ಪತ್ತೈದ ಮೀರಿ ಕಾಬ,
ನೂರೊಂದರಲ್ಲಿ ಸೂರೆಯಾಗದೆ,
ತನಗೊಂದು ತೋರೆ ಒಡಗೂಡಿದಲ್ಲಿಯ ಊರೆಲ್ಲಕೆ ದೂರದೆ,
ಪ್ರಸನ್ನ ಕಪಿಲಸಿದ್ಧ ಮಲ್ಲಿಕಾರ್ಜುನಲಿಂಗವ ಒಡಗೂಡಬೇಕು.
Art
Manuscript
Music
Courtesy:
Transliteration
Hari hattu, holivudonde sūji.
Sarageṇṭu, maḍisūdonde kai.
Aḍi āru, naḍevudonde kālu.
Nuḍi mūru, arivudonde ātma.
Intī ondaroḷagondaḍagi,
sandillada nūla mūleya gaṇṭanikki,
ondakke mūru, mūrakke āru,
āra vibhāgisi mūvattāra bērariva,
ippattaida mīri kāba,
nūrondaralli sūreyāgade,
tanagondu tōre oḍagūḍidalliya ūrellake dūrade,
prasanna kapilasid'dha mallikārjunaliṅgava oḍagūḍabēku.
