ನಿತ್ಯ ಅನಿತ್ಯವೆಂಬುದ ತೋರಿದಿರಿ,
ಸತ್ಯ ಅಸತ್ಯವೆಂಬುದ ತೋರಿದಿರಿ.
ಆಚಾರ ವಿಚಾರವೆಂಬುದ ತೋರಿದಿರಿ.
ಅಯ್ಯಾ ಸೋಹಂ ದಾಸೋಹಂ ಎಂಬುದ ತೋರಿದಿರಿ.
ಇದು ಎಂಬುದ ತೋರಿದಿರಿ.
ಅಯ್ಯಾ ಮುಕ್ತಿ ಎಂಬುದ ತೋರಿದಿರಿ.
ಅಂಗ ಲಿಂಗವೆಂಬುದ ತೋರಿದಿರಿ,
ಪ್ರಾಣವೇ ಜಂಗಮವೆಂಬುದ ತೋರಿದಿರಿ.
ಪ್ರಸಾದವೇ ಪರವೆಂದು ತೋರಿದಿರಿ.
ಇಂತಿವರ ಭೇದಾದಿ ಭೇದವನೆಲ್ಲ ತೋರಿದಿರಿ.
ನಿಮ್ಮ ಹಾದಿಯ ಹತ್ತಿಸಿದಿರಿ.
ಮೂದೇವರೊಡೆಯ ಚೆನ್ನಮಲ್ಲೇಶ್ವರಾ,
ನಿಮ್ಮ ಹಾದಿಗೊಂಡು ಹೋಗುತ್ತಿರ್ದು,
ನಾನೆತ್ತ ಹೋದೆನೆಂದರಿಯನಯ್ಯಾ.
ಬಸವಪ್ರಿಯ ಕೂಡಲಚೆನ್ನಬಸವಣ್ಣಾ ,
ನಾ ಹೋದ ಹಾದಿಯ ನೀವೆ ಬಲ್ಲಿರಿ.
Art
Manuscript
Music
Courtesy:
Transliteration
Nitya anityavembuda tōridiri,
satya asatyavembuda tōridiri.
Ācāra vicāravembuda tōridiri.
Ayyā sōhaṁ dāsōhaṁ embuda tōridiri.
Idu embuda tōridiri.
Ayyā mukti embuda tōridiri.
Aṅga liṅgavembuda tōridiri,
prāṇavē jaṅgamavembuda tōridiri.
Prasādavē paravendu tōridiri.
Intivara bhēdādi bhēdavanella tōridiri.
Nim'ma hādiya hattisidiri.
Mūdēvaroḍeya cennamallēśvarā,
nim'ma hādigoṇḍu hōguttirdu,
nānetta hōdenendariyanayyā.
Basavapriya kūḍalacennabasavaṇṇā,
nā hōda hādiya nīve balliri.
