ಪೃಥ್ವಿಯಲ್ಲಿ ಅಪ್ಪುಸಾರವಿಲ್ಲದಿರೆ
ಬೀಜವ ತಳಿಯಲಾಗಿ,
ಪ್ರತ್ಯಕ್ಷ ಅಂಕುರ ದೃಷ್ಟವಪ್ಪುದೆ?
ಶ್ರದ್ಧೆ ಸನ್ಮಾರ್ಗ ಭಕ್ತಿ ವಿಶ್ವಾಸವಿಲ್ಲದಿದ್ದಡೆ ಸದ್ಭಕ್ತನಪ್ಪನೆ?
ಇಂತೀ ದೃಷ್ಟ ಸಿದ್ಧಾಂತದಿಂದ ತಪ್ಪು ಕುಳಿತ ಮತ್ತೆ,
ದೃಷ್ಟಾಂತರವ ಇದಿರ ಕೈಯಲ್ಲಿ ಕೇಳಲುಂಟೆ?
ನುಂಗಬಾರದ ಘೃತ, ಉಗುಳಬಾರದ ಪ್ರಿಯ,
ಬಿಡಬಾರದ ಭಕ್ತಿ, ವಿಶ್ವಾಸವಿಲ್ಲದ ಆ ಭಕ್ತಿಪೂಜೆ,
ಘನಸಿಂಧುವಿನಲ್ಲಿ ನಾನಾ ವರ್ಣವ ಕದಡಿದಂತಾಯಿತ್ತು.
ಇದನಿನ್ನಾರಿಗುಸುರುವೆ!
ನಿಃಕಳಂಕ ಕೂಡಲಚೆನ್ನಸಂಗಮದೇವಾ, ನೀನೆ ಬಲ್ಲೆ.
Art
Manuscript
Music
Courtesy:
Transliteration
Pr̥thviyalli appusāravilladire
bījava taḷiyalāgi,
pratyakṣa aṅkura dr̥ṣṭavappude?
Śrad'dhe sanmārga bhakti viśvāsavilladiddaḍe sadbhaktanappane?
Intī dr̥ṣṭa sid'dhāntadinda tappu kuḷita matte,
dr̥ṣṭāntarava idira kaiyalli kēḷaluṇṭe?
Nuṅgabārada ghr̥ta, uguḷabārada priya,
biḍabārada bhakti, viśvāsavillada ā bhaktipūje,
ghanasindhuvinalli nānā varṇava kadaḍidantāyittu.
Idaninnārigusuruve!
Niḥkaḷaṅka kūḍalacennasaṅgamadēvā, nīne balle.
