ಸಂಸಾರವೆಂಬ ಸಾಗರಕ್ಕೆ

ಸಂಸಾರವೆಂಬ ಸಾಗರಕ್ಕೆ ಒಡಲೆಂಬುದೊಂದು ಭೈತ್ರ ಕಂಡಾ. ಪುಣ್ಯಪಾಪವೆಂಬ ಭಂಡವನೆ ತುಂಬಿ ಪಂಚ ಪಂಚೈವರು ಏರಿದರು. ಜ್ಞಾನವೆಂಬ ಕೂಕಂಬೆಯ ಲಿಂಗವೆಂಬ ತಾರಾಮಂಡಲವ ನೋಡಿ ನಡಸೂದು. ಜವನ ಕಳ್ಳಾಳು ಕರ ಹಿರಿದು ಕಂಡಾ. ಪುಣ್ಯಪಾಪವೆಂಬ ಭಂಡವ ಸಮಜೋಗವೆಂಬ ನೇಣ ನವನಾಳದಲಿ ಕಟ್ಟಿ, ಮನವೆಂಬ ಉಪಾಯವನು ವಾಹಿಕೊಳಲಿ ನಿಧಿಯೆಂಬ ನಡುಗಡಲ ಸುಖದುಃಖದೊಳಗೆ ತೆರೆಯ ಹೊಯಿಲು ಕರ ಹಿರಿದು ಕಂಡಾ. ಉದುಮದವೆಂಬಾ ಸುಳಿಯಲ್ಲಿತಿರುಗದೆ ಗುರುವೆಂಬ ಬೆಂಗುಂಡ ಹಿಡಿ ಕಂಡಾ. ಇಹಲೋಕ ಪರಲೋಕ ವಿಘ್ನಗಳ ಕಳೆದು ಕಪಿಲಸಿದ್ಧಮಲ್ಲಿನಾಥನ ಕಾಬೆ ಕಂಡಾ

Transliteration Sansāravemba sāgarakke oḍalembudondu bhaitra kaṇḍa. Puṇyapāpavemba bhaṇḍavane tumbi pan̄ca pan̄caivaru ēridaru. Jñānavemba kūkambeya liṅgavemba tārāmaṇḍalava nōḍi naḍasūdu. Javana kaḷḷāḷu kara hiridu kaṇḍā. Puṇyapāpavemba bhaṇḍava samajōgavemba nēṇa navanāḷadali kaṭṭi, manavemba upāyavanu vāhikoḷali nidhiya naḍugaḍala sukhaduḥkhadoḷage tereya hoyilu kara hiridu kaṇḍa. Udumadavembā suḷiyallitirugade guruvemba beṅguṇḍa hiḍi kaṇḍa. Ihalōka paralōka vighnagaḷa kaḷedu kapilasid'dhamallināthana kābe kaṇḍā

ಪ್ರತಿಕ್ರಿಯೆಗಳು / Comments