ಸೀಮೆಯ ಮೀರಿದ ಸಿರಿವಂತನೆ,
ಪದವ ಮೀರಿದ ಬಹುರೂಪನೆ,
ಆನಂದ ಆನಂದವಾದ ನಿತ್ಯ ಸಾನಂದನೆ,
ಸುಗುಣದಲ್ಲಿ ಬೆಳಗುತಿಹ ನಿತ್ಯ ಸಾನಂದನೆಲೆ ಅಯ್ಯಾ,
ನಿನ್ನಾನಂದವನಾರು ಬಲ್ಲರು?
ನೀನು ಲಿಂಗತ್ರಯದೊಳಗೆ,
ಎರಡೈದು ಪಾದೋದಕದಲಿ,
ಐದಾರು ಕೂಡಿದ ಪ್ರಸಾದದಲ್ಲಿ,
ನಿತ್ಯಸುಖಿಯೆಂಬುದ ಸತ್ಯಶುಚಿಯೆಂಬುದ ನಿನ್ನವರೆ ಬಲ್ಲರು.
ಜಡವಿಡಿದು ನುಡಿವ ಅಜ್ಞಾನಿ ಹೊರಸುಗಳು ಬಲ್ಲರೆ?
ಕಪಿಲಸಿದ್ಧಮಲ್ಲಿಕಾರ್ಜುನಾ.
Music
Courtesy:
Transliteration
Sīmeya mīrida sirivantane,
padava mīrida bahurūpane,
ānanda ānandavāda nitya sānandane,
suguṇadalli beḷagutiha nitya sānandanele ayyā,
ninnānandavanāru ballaru?
Nīnu liṅgatrayadoḷage,
eraḍaidu pādōdakadali,
aidāru kūḍida prasādadalli,
nityasukhiyembuda satyaśuciyembuda ninnavare ballaru.
Jaḍaviḍidu nuḍiva ajñāni horasugaḷu ballare?
Kapilasid'dhamallikārjunā.