ಎಲ್ಲ ಪುರಾಣಕ್ಕೆ ಹೆಸರುಂಟು,

ಎಲ್ಲ ಪುರಾಣಕ್ಕೆ ಹೆಸರುಂಟು, ನಮ್ಮ ಪುರಾಣಕ್ಕೆ ಹೆಸರಿಲ್ಲ ನೋಡಯ್ಯಾ. ಲಿಂಗದ ಮಹತ್ವವ ಹೇಳಿದಲ್ಲಿ ಲಿಂಗಪುರಾಣವೆನಿಸಿತ್ತು. ಷಣ್ಮುಖನ ಮಾಹಾತ್ಮ್ಯವ ಹೇಳಿದಲ್ಲಿ ಸ್ಕಂದಪುರಾಣವೆನಿಸಿತ್ತು. ವೀರಭದ್ರನ ಮಾಹಾತ್ಮ್ಯವ ಹೇಳಿದಲ್ಲಿ ದಕ್ಷಖಂಡವೆನಿಸಿತ್ತು. ಶಿವನ ಮಹಿಮೆ, ಕಾಶೀಮಹಿಮೆಯ ಹೇಳಿದಲ್ಲಿ ಶಿವಪುರಾಣ ಕಾಶೀಖಂಡವೆನಿಸಿತ್ತು. ಪಾರ್ವತಿಯ ಮಾಹಾತ್ಮ್ಯವ ಹೇಳಿದಲ್ಲಿ ಕಾಳೀಪುರಾಣವೆನಿಸಿತ್ತು. ನಮ್ಮ ಪುರಾಣ ಹೆಸರಿಡಬೇಕೆಂದಡೆ, ನಿಶ್ಶಬ್ದ ನಿರವಯಲ ಪುರಾಣ ತಾನೆಯಾಯಿತ್ತು ನೋಡಾ, ಕಪಿಲಸಿದ್ಧಮಲ್ಲಿಕಾರ್ಜುನಾ.

Transliteration Ella purāṇakke hesaruṇṭu, nam'ma purāṇakke hesarilla nōḍayyā. Liṅgada mahatvava hēḷidalli liṅgapurāṇavenisittu. Ṣaṇmukhana māhātmyava hēḷidalli skandapurāṇavenisittu. Vīrabhadrana māhātmyava hēḷidalli dakṣakhaṇḍavenisittu. Śivana mahime, kāśīmahimeya hēḷidalli śivapurāṇa kāśīkhaṇḍavenisittu. Pārvatiya māhātmyava hēḷidalli kāḷīpurāṇavenisittu. Nam'ma purāṇa hesariḍabēkendaḍe, niśśabda niravayala purāṇa tāneyāyittu nōḍā, kapilasid'dhamallikārjunā.

ಪ್ರತಿಕ್ರಿಯೆಗಳು / Comments