ಓಂ' ಕಾರವೆ ಬಸವಣ್ಣನ ಶಿರಸ್ಸು,

ಓಂ' ಕಾರವೆ ಬಸವಣ್ಣನ ಶಿರಸ್ಸು, `ನ' ಕಾರವೆ ಬಸವಣ್ಣನ ನಾಸಿಕ, `ಮ' ಕಾರವೆ ಬಸವಣ್ಣನ ಜಿಹ್ವೆ, `ಶಿ' ಕಾರವೆ ಬಸವಣ್ಣನ ನಾಭಿ, `ವ' ಕಾರವೆ ಬಸವಣ್ಣನ ತ್ವಕ್ಕು, `ಯ' ಕಾರವೆ ಬಸವಣ್ಣನ ಶ್ರೋತ್ರ. ಮತ್ತೆ: `ಓಂ' ಕಾರವೆ ಬಸವಣ್ಣನ ವದನ, `ನ' ಕಾರವೆ ಬಸವಣ್ಣನ ಬಲದ ಭುಜ, `ಮ' ಕಾರವೆ ಬಸವಣ್ಣನ ಎಡದ ಭುಜ, `ಶಿ' ಕಾರವೆ ಬಸವಣ್ಣನ ನೇತ್ರ, `ವಾ' ಕಾರವೆ ಬಸವಣ್ಣನ ಬಲದ ಪಾದ, `ಯ` ಕಾರವೆ ಬಸವಣ್ಣನ ಎಡದ ಪಾದ. ಅದೆಂತೆಂದಡೆ: "ಓಂಕಾರಂ ವದನಂ ದೇವಿ ನಮಃ ಕಾರಂ ಭುಜದ್ವಯಮ್ ಶಿಕಾರಂ ದೇಹಮಧ್ಯಸ್ತು ವಾ ಯಕಾರಂ ಪದದ್ವಯಮ್ ಇತಿ ಷಡ್ವರ್ಗರೂಪಂ ಚ ಭಕ್ತರೂಪಂ ಮಯೋದಿತಮ್" ಇಂತೆಂದುದಾಗಿ, ಕೂಡಲಚೆನ್ನಸಂಗಯ್ಯನಲ್ಲಿ ಸಂಗನಬಸವಣ್ಣನ ಶ್ರೀಪಾದಕ್ಕೆ ನಮೋ ನಮೋ ಎನುತಿರ್ದೆನು.

Music Transliteration Comment None