ಮುದ್ರೆಗೆ ಶಿವಲಾಂಛನಕ್ಕೆ
ಸಾಹಿತ್ಯವಿಲ್ಲದೆ ಮೆರೆಯದೆಂದು
ಮುನ್ನಿನ ಆದ್ಯರು ಮಾಡಿದರು.
ಮಜ್ಜನಕ್ಕೆರೆಯಲೆಂಬುದನೀಗ ಸಜ್ಜನವಾಗಿ
ಭಾವದಲರಿವಿದ್ದಡೆ ಸಾಲದೆ? ಇಷ್ಟ ತಾನೇಕೊ?
ಸಿದ್ಧರಾಮಯ್ಯದೇವರಂದು ಸಾಹಿತ್ಯವಿಡಿದಿದ್ದನೆ?
ಮನಶುದ್ಧವಾಗಿ ಆ ಲಿಂಗವ ತಂದು ಅಂಗದ ಮೇಲಣ ಲಿಂಗ
ಸ್ವಯವಾದಡೆ ಹಿಂಗದೆ ದೇಹಸಹವಾಗಿರಬೇಕು.
ಅಂಗೈ ಮೇಗೈಯಾಗಿ ಹೋಗುತ್ತಿದೆ
ತಿಂಗಳ ಮಾತೆಂಬುದು ದೂರಣ ಮಾತು,
ಮಂಗಳಮೂರುತಿಗಳು ಸಕಲಪುರಾತನರರಿಯಲು
ಕೂಡಲಚೆನ್ನಸಂಗಮದೇವ ಸ್ವಯಂ ನಿರಾಳವೋ
ಜಂಗಮದೊಳಗೆ.
