ಆ ಷಟ್ಸ್ಥಲ ಜ್ಞಾನಿಯು
ಸಂಸಾರವ ಗೆಲ್ಲವದರಿಂದೆ ವಂದ್ಯನು; ಪೂಜ್ಯನು,
ಆತನು ಅತ್ಯುಗ್ರವಾದ ಕಡೆಯಿಲ್ಲದ ದಾಂಟಲಾಗದ
ಸಂಸಾರ ಸಮುದ್ರವನು ದಾಂಟಿ ಪರಮಾತ್ಮನಾದ ಎನ್ನನು
ಎಯ್ದಿ ಮರಳಿ ಭವಕ್ಕೆ ಬಾರನು.
ಅದು ಕಾರಣದಿಂದ ಮಾಹೇಶ್ವರನ ಈ ನಿಷ್ಠೆಯು
ಎನ್ನಿಂದ ನುಡಿಯಲು ಶಕ್ತವಾಯಿತು
ಎಲೆ ಕುಮಾರನೆ ಬ್ರಹ್ಮ ಮೊದಲಾದ ಮಿಕ್ಕಿನ ದೇವತೆಗಳ ಬಗೆಗೆ
ಹೇಳುವದೇನಿದೆ, ಹಲವು ಮಾತಿನಿಂದೇನು ಪ್ರಯೋಜನ?
ಆತನೆ ನಾನು ಸಂದೇಹವಿಲ್ಲ
ಶಾಂತವೀರೇಶ್ವರಾ
ಮಾಹೇಶ್ವರಸ್ಥಲ ಸಂಪೂರ್ಣಂ ಮಂಗಳಂ ಮಹಾ
ಶ್ರೀ ಶ್ರೀ ಶ್ರೀ
ಲಿಂಗನಿಷ್ಠಾಸ್ಥಲ
ಸೂತ್ರ: ಈ ಪ್ರಕಾರದಿಂದ ಮಾಹೇಶ್ವರಸ್ಥಲದಲ್ಲಿ ನಿಯಮ ವ್ರತಾದಿಗಳಂ ಮಾಡುತ್ತ ನಿಶ್ಚಯವುಳ್ಳ ಮಾಹೇಶ್ವರನ ಅಂಗದಲ್ಲಿರ್ದ ಲಿಂಗನಿಷ್ಠಾ ಭೇದವೆಂತೆನೆ ಮಂದೆ ಲಿಂಗನಿಷ್ಠಾಸ್ಥಲವಾಯಿತ್ತು.
