‘ಎಲೈ ಪೂಜ್ಯನಾದ ಷಣ್ಮುಖನೆ,
ಹುಳಗ[ಳಲ್ಲಿ] ಕೈಕಾಲುಳ್ಳ ಹುಳುಗಳು [ಅಧಿಕ]
ಪಕ್ಷಿಗಳಿಗಿಂತ ಬುದ್ಧಿಯಿಂದೆ ನಾಲ್ಕು ಕಾಲುಳ್ಳ ಪಶುಗಳು ಅಧಿಕ.
ಆ ಪಶುಗಳಿಗಿಂತ ಮನುಷ್ಯರು ಶ್ರೇಷ್ಠರು.
ಆ ಮನುಷ್ಯರಲ್ಲಿ ಉಪನಯನಯುಕ್ತವಾದ ದ್ವಿಜಾತಿಗಳು ಅಧಿಕರು.
ಮುಂಜಿಗಟ್ಟಿದಂಥ ಬ್ರಹ್ಮಚಾರಿಗಳಲ್ಲಿ ಪ್ರಾಜ್ಞರಾದವರು ಅಧಿಕರು.
ಆ ವಿಪ್ರರಲ್ಲಿ ಯಜ್ಞವ ಮಾಡುವರಧಿಕರು.
ಆ ಯಜ್ಞವ ಮಾಡುವಲ್ಲಿ ಯಜ್ಞವ ಮಾಡಿಸುವವರು ಅಧಿಕರು.
ಅವರಿಂದ ಸನ್ಯಾಸಿಗಳಧಿಕರು.
ಅವರುಗಳಿಂದ ವಿಶೇಷ ಜ್ಞಾನವುಳ್ಳವರಧಿಕರು.
ಆ ವಿಶೇಷ ಜ್ಞಾನಿಗಳಲ್ಲಿ ಶಿವಲಿಂಗ ಪೂಜಕರಧಿಕರು.
ಆ ಶಿವಲಿಂಗ ಪೂಜಕರಲ್ಲಿ
ಎನ್ನ ಲಿಂಗಾಂಗ ಸಂಬಂಧವುಳ್ಳವರು ಶ್ರೇಷ್ಠರು.
ಆ ಲಿಂಗಾಂಗ ಸಂಗಿಗಳಲ್ಲಿ
ಷಟ್ಸ್ಥಲಜ್ಞಾನ ಲಕ್ಷಣವ ಬಲ್ಲಾತನು ಅಧಿಕನು.
ಷಟ್ಸ್ಥಲ ಜ್ಞಾನಿಗಿಂತ ಶ್ರೇಷ್ಠನು
ಮೂರು ಲೋಕಂಗಳಲ್ಲಿಯೂ
ಯಾವಗಲೂ ಇಲ್ಲವೆಂದೀಶ್ವರನಿಂ ನಿರೂಪಿಸಲಾಗಿತ್ತಯ್ಯ
ಶಾಂತವೀರೇಶ್ವರಾ
