ಅಜ್ಞಾನವೆಂಬ ರಾಕ್ಷಸನಿಗೆ
ನಯನೋನ್ಮಿಲವನು ಮಾಡಿ
ಒಡ್ಡೈಸಿದ ಸಂಸಾರವೆಂಬ ಕತ್ತಲೆಗೆ
ಶಿವಧ್ಯಾನವು ಪ್ರಚಂಡ ಸೂರ್ಯನಾಗಿರ್ದುದಯ್ಯ.
ಪ್ರಾಣಲಿಂಗದಲ್ಲಿ ನಿಷ್ಠೆ ಉಳ್ಳಾತನ ಶರೀರವನು
ವಾಯ ಸೋಂಕಿ ಆವ ಠಾವಿಗೆ ಬೀಸಿದರೂ
ಅಲ್ಲಿರ್ದ ಮನುಷ್ಯರು ಮುಕ್ತರಯ್ಯ
ಶಾಂತವೀರೇಶ್ವರಾ
ಸೂತ್ರ: ಈ ಪ್ರಕಾರದಿಂದ ಶಿವಯೋಗ ಸಮಾಧಿಯಲ್ಲಿ ನಿಷ್ಠನಾದ ಪ್ರಾಣಲಿಂಗಯ ಮನಸ್ಸಿನಲ್ಲಿ ಮನೋಮೂರ್ತಿಯಾಗಿ ಇರುವ ಲಿಂಗದ ಸಹಜ ಸ್ವರೂಪವು ಎಂತೆಂದೊಡೆ ಮುಂದೆ ‘ಲಿಂಗನಿಜಸ್ಥಲ’ವಾದುದು.
