ಲಿಂಗಾಂಗ ಜ್ಞಾನ ಒಂದರಲ್ಲಿಯೆ ತತ್ಪರನಾಗಿ
ಸಮಸ್ತ ಜಗತ್ತಿಗೆ ಒಡೆಯನಾದ ಪರಮೇಶ್ವರನನು
‘ರಕ್ಷಿಸು’ ಎಂದು ಮೊರೆ ಹೊಕ್ಕ
‘ಶರಣಸತಿ’ ಲಿಂಗಪತಿ’ಯೆಂಬ ದೃಡಭಾವವುಳ್ಳ
ಶಿವಲಿಂಗ ಒಂದರಲ್ಲಿಯ ನಿಷ್ಠಯಿಂದ ಮಾಡಿದ
ಶೀಲವೆ ಅಲಂಕಾರವಾಗುಳ್ಳ ಈ ಶರಣನು
ಲಿಂಗೈಕ್ಯ ಉಳ್ಳಾತನೆಂದು ಹೇಳುವರಯ್ಯಶಾಂತವೀರೇಶ್ವರಾ
ಸೂತ್ರ: ಈ ಪ್ರಕಾರದಿಂದ ಶರಣಸ್ಥಲದಲ್ಲಿ ಮಹಾಜ್ಞಾನದಿಂದಾಚರಿಸಿ ಸಮಸ್ತ ಸಂಶಯವನು ಪರಿಹರಿಸ ನಿಜಸ್ವರೂಪವನು ಸಾಕ್ಷಾತ್ಕರಿಸಿ ಪರಮಾನಂದ ಸ್ವರೂಪ ಶರಣನು ತನ್ನ ತಾನರಿದೆನೆಂಬಾತ್ಮಜ್ಞಾನವನು ಮರೆದು ಆ ಮರವೆಯನು ಕೆಡಿಸಿ ಮಹಾಲಿಂಗೈಕ್ಯವನು ಐಯ್ದಿದ ಭೇದವೆಂತೆನೆ ಮುಂದೆ ‘ಐಕ್ಯಸ್ಥಲ’ವಾದುದು.
