ಪರಜಂಗಮಸ್ಥಲಕ್ಕೆ ಶಿರೋಮಣಿಯಾದ

ಪರಜಂಗಮಸ್ಥಲಕ್ಕೆ ಶಿರೋಮಣಿಯಾದ ಪರಿಪೂರ್ಣವಾದಾಚಾರಲಿಂಗ ಸ್ವರೂಪವನು, ಅದರ ಅವಾಂತರ ಸ್ಥಲಭೇದಂಗಳನು, ಲೇಸಾಗಿ ಉಪದೇಶಿಸಿ ಆಮೇಲೆ, ಪರಜಂಗಮವೆ ಮುಖ್ಯವಾದ, ಶರಣ್ಯವಾದುದರಿಂದೆ ಕೃತ್ಯನಾದ ಮಾಹೇಶ್ವರಂಗೆ ಶರಣ್ಯವಾದ ಪರಜಂಗಮವೆ ಗುರುವು. ಆ ಗುರುರೂಪವಾದ ಲಿಂಗಕ್ಕೆ ನವವಿಧ ಸ್ಥಲವಾದುದರಿಂದ ಉಪಾಸತ್ಯತ್ವವನು ಪ್ರತಿಪಾದಿಸುವದಕ್ಕೋಸುಗ ಆ ಗುರುಲಿಂಗಧಾರಿಯಾದ ಮಾಹೇಶ್ವರಂಗೆ ಆಗಮ ಲಿಂಗ ತ್ರಿವಿಧದಿಂದ ಶೀಲಾಚಾರ ನಿಷ್ಠೆ ಮೊದಲಾದುದನು ಮಾಹೇಶ್ವರಸ್ಥಲದಲ್ಲಿ ಪ್ರತಿಪಾದಿತವಾಗಿ ಆಚಾರದ ದೃಢತ್ವದಿಂದವೆ ಲಿಂಗನಿಷ್ಠಾನ್ವಿತತ್ತ್ವವನು ಕಾಯಲಿಂಗವೆಂಬ ಮೂರರ ಅವಗ್ರಹಣವನು ಪೂರ್ವಾಶ್ರಯ ನಿರಸನ ಕಡೆಯಾಗುಳ್ಳ ನಿರಾಸಕತ್ವವು ಆಚಾರಲಿಂಗ ತ್ರಿವಿಧದಿಂದ ಸರ್ವಗತ ನಿರಾಸಕತ್ವವನು ಶೀವಜಗನ್ಮಯತ್ವವನು ಪ್ರತಿಷ್ಠಸಿ ಆ ಲಿಂಗದಲ್ಲಿ ‘ಭಕ್ತದೇಹಿಕಲಿಂಗ’ ವೆಂಬ ನಿಶ್ಚಯವನು ಐಯ್ದಿದ ಒಂಬತ್ತು ಪ್ರಕಾರವಾದ ಗುರುಲಿಂಗದ ವಿಚಾರವು ಮಾಡಲು ತಕ್ಕುದಯ್ಯ ಶಾಂತವೀರೇಶ್ವರಾ

Transliteration Comment None