‘ತತ್ರದೌ ಸಂಪ್ರವಕ್ಷ್ಯಾಮಿ ಶೈವ ಸಾಮಾನ್ಯಲಕ್ಷಣಂ’ ಎಂದು

‘ತತ್ರದೌ ಸಂಪ್ರವಕ್ಷ್ಯಾಮಿ ಶೈವ ಸಾಮಾನ್ಯಲಕ್ಷಣಂ’ ಎಂದು ಆ ನಾಲ್ಕು ವಿಧವಾದ ಶೈವಂಗಳೊಳಗೆ ಮೊದಲು ಸಾಮಾನ್ಯ ಶೈವಲಕ್ಷಣವ ಹೇಳಿಹೆನು: ‘ಶಿವಲಿಂಗಂ ಯಥಾ ಪಶ್ಯೇತ್ತದಾ ಕುರ್ಯತ್ಸಮರ್ಚನಂ | ಪ್ರದಕ್ಷಿಣಾಂ ಮ ಪ್ರಣತಿ ದರ್ಶನಂ ವಾsತ್ರ ಕಾರಯೇತ್ || ಭಸ್ಮಧಾರಣಮಾತ್ರೇಣ ಶುದ್ಧೋಭವತಿ ಸರ್ವದಾ| ಶವಕಿ…. ತದಾರೋಪೆ ಪ್ರೀತಿಮಾನ್ ಶಿವಭಕ್ತಕೇ|| ಏತೇಷಾಂ ನಿಯತಿರ್ನಾಸ್ತಿ ಯಥಾ ಲಬ್ಧಂ ಸಮಾಚರೇತ್’ ಇಂತೆಂದುದಾಗಿ, ಆವನಾನೊಬ್ಬ ಸಾಮಾನ್ಯ ಶೈವನು ವಿಭೂತಿಯಪಟ್ಟ ಮಾತ್ರದಿಂದವೆ ಶುದ್ಧವಾಗುತ್ತಿದ್ದಾತನಾಗಿ ಸ್ವಯಂಭು ಲಿಂಗವನಾದರೆಯೂ ದೇವದಾನವಮಾನವಾದಿಗಳಿಂ ಪ್ರತಿಷ್ಠಸಲ್ಪಟ್ಟ ಲಿಂಗನಾದರೆಯೂ ಆವ ವೇಳೆಯಲ್ಲಿ ಕಂಡನು, ಆ ವೇಳೆಯಲ್ಲಿ ಅರ್ಚನೆಯಾನಾದರೂ ಮಾಡೂದು, ಪ್ರದಕ್ಚಿಣ ದರ್ಶನ ಮನಸ್ಕಾರವನಾದಡೆಯೂ ಮಾಡುವುದು, ಶಿವಕೀರ್ತಿ ಶಿವನ ವಚನ ಶಿವಭಕ್ತರಲ್ಲಿ ಪ್ರೀತಿಯುಳ್ಳಾತನಹನು. ಈ ಶಿವಾರ್ಚನಾದಿಗಳಲ್ಲಿ ಸಂಪೂರ್ಣ ನಿಯಿತಿಯಿಲ್ಲದೆ ಇದ್ದರೆ ಯಥಾ ಲಬ್ಧವಾದ ಕ್ರೀಗಳನಾಚರಿಸುವುದು. ಮತ್ತಂ, ‘ಸಾಮಾನ್ಯಲಕ್ಷಣಂ ಪ್ರೋಕ್ತಂ ವಕ್ಷ್ಯೇ ಮೀಶ್ರಸ್ಯ ಲಕ್ಷಣಂ’- ಸಾಮಾನ್ಯಶೈವ ಲಕ್ಷಣವು ನಿರೂಪಿಸಲ್ಪಟ್ಟಿತ್ತು. ಮಿಶ್ರಶೈವ ಲಕ್ಷಣವನು ನಿರೂಪಿಸಿಹೆನು ಕೇಳೆಂದು. ಶಿವನು ಷಣ್ಮುಖದೇವರಿಗೆ ಉಪದೇಶಿಸುತ್ತಿರ್ದನಯ್ಯ, ಶಾಂತವೀರೇಶ್ವರಾ

Transliteration Comment None