ಶಾಂತವೀರೇಶ್ವರ ಅಂಕಿತದ ಬಿಡಿ ವಚನಗಳು   
Index   ವಚನ - 23    Search  
 
ಸಾಕ್ಷಿ: ‘ಶೈವಂ ಚತುರ್ವಿಧಂ ಜ್ಞೇಯಂ ಸಮಾಸಾತ್ ಶ್ರುಣು ಷಣ್ಮುಖ|| ಸಾಮನ್ಯಂ ಮಿಶ್ರಕಂ ಶೈವ ಶುದ್ಧಂ ವೀರಂ ಯಥಾ ಕ್ರಮಂ’|| ಇಂತೆಂದು ಶಿವಸಂಬಂಧವಾದ ದರ್ಶನವು ನಾಲ್ಕು ಪ್ರಕಾರವಾಗಿದ್ದಂಥಾದ್ದೆಂದು ಅರಿಯಲ್ತಕ್ಕುದು. ಆ ಚತುರ್ವಿಧ[ದ]ಲಿ ಶೈವವನು ಹೇಳಿಹೆನು ಎಲೆ ಷಣ್ಮುಖನೆ ಕೇಳು. ಅವಾವವೆಂದೊಡೆ: ಸಾಮಾನ್ಯಶೈವ ಮಿಶ್ರಶೈವ ಶುದ್ಧಶೈವ ವೀರಶೈವವೆಂದು ಕ್ರಮದಿಂದಪ್ಪುವೆಂದು ಶಿವನು ನಿರೂಪಿಸಿಸುತ್ತಿದ್ದನಯ್ಯ, ಶಾಂತವೀರೇಶ್ವರಾ
Transliteration Comment None