ವೇಷದಲ್ಲಿ ತಿರುಗುವುದು ಸಮಯದ ಹಂಗು.
ಮಾತಿನಲ್ಲಿ ತಿರುಗುವರೆಲ್ಲರು ಶಾಸ್ತ್ರದ ಹಂಗು.
ಯತಿಭೇದದಲ್ಲಿ ತಿರುಗುವರೆಲ್ಲರು ಮನಸಿಜನ ಹಂಗು.
ಆಸೆ ಅರತು ನಿಬ್ಬೆರಗಾಗಿ ತಿರುಗುವರೆಲ್ಲರು ಶರೀರದ ಹಂಗು.
ಹಿಂದ ಮರೆದು ಮುಂದಳ ಮೋಕ್ಷವನರಸುವರೆಲ್ಲರು ರುದ್ರನ ಹಂಗು.
ಇಷ್ಟಾರ್ಥ ಕಾಮ್ಯಾರ್ಥ ಮೋಕ್ಷಾರ್ಥವೆಂಬ ಬಟ್ಟೆಯ ಮೆಟ್ಟದೆ,
ಹಿಂದಳ ಇರವು ಮುಂದಳ ಸಂಶಯವೆಂಬುದ ಏನೆಂದರಿಯದೆ ನಿಂದುದು,
ಸದಾಶಿವಮೂರ್ತಿಲಿಂಗದಲ್ಲಿ ಸಂದ ಮನ.
Art
Manuscript
Music
Courtesy:
Transliteration
Vēṣadalli tiruguvudu samayada haṅgu.
Mātinalli tiruguvarellaru śāstrada haṅgu.
Yatibhēdadalli tiruguvarellaru manasijana haṅgu.
Āse aratu nibberagāgi tiruguvarellaru śarīrada haṅgu.
Hinda maredu mundaḷa mōkṣavanarasuvarellaru rudrana haṅgu.
Iṣṭārtha kāmyārtha mōkṣārthavemba baṭṭeya meṭṭade,
hindaḷa iravu mundaḷa sanśayavembuda ēnendariyade nindudu,
sadāśivamūrtiliṅgadalli sanda mana.
