ಲಿಂಗಾಂಗವಾದ ಭೋಗ ಭೋಜ್ಯಂಗಳ ತೆರನೆಂತುಟೆಂದಡೆ:
ಅವುದ ಕೂಡಿದಲ್ಲಿಯೂ ಬಿಂದು ತಿಲಸಾರದಂತಿರಬೇಕು.
ಅವುದ ಬೆರಸಿದಲ್ಲಿಯೂ ಮುಕುರದ ಬಿಂಬದ ಪ್ರತಿಬಿಂಬದಂತೆ
ಸಂಗ ತೋರಿ ಅಂಗವಳಿದಿರಬೇಕು.
ಇದು ಲಿಂಗಾಂಗಿಯ ಮುಟ್ಟು, ಸುಸಂಗಿಯ ನಿರತ
ಸ್ವಯಾಂಗಿಯ ಉಭಯದ ಮುಟ್ಟು.
ಶಂಭುವಿನಿಂದಿತ್ತ ಸ್ವಯಂಭುವಿನಿಂದತ್ತ ಅತಿಬಳ ನೋಡಾ,
ಮಾತುಳಂಗ ಮಧುಕೇಶ್ವರನು.
Art
Manuscript
Music
Courtesy:
Transliteration
Liṅgāṅgavāda bhōga bhōjyaṅgaḷa teranentuṭendaḍe:
Avuda kūḍidalliyū bindu tilasāradantirabēku.
Avuda berasidalliyū mukurada bimbada pratibimbadante
saṅga tōri aṅgavaḷidirabēku.
Idu liṅgāṅgiya muṭṭu, susaṅgiya nirata
svayāṅgiya ubhayada muṭṭu.
Śambhuvininditta svayambhuvinindatta atibaḷa nōḍā,
mātuḷaṅga madhukēśvaranu.
