ಮುಗ್ಧ ಮೂಢ ಕುಬ್ಜ ಕುಷ್ಠ

ಮುಗ್ಧ ಮೂಢ ಕುಬ್ಜ ಕುಷ್ಠ ಅಂಧಕ ಪಂಗುಳ ನಪುಂಸಕ ಇಂತೀ ಮುಕ್ತಿಹೀನರ ದೈವವೆಂದು ಇಕ್ಕಿ ಎರೆದು ಕೊಟ್ಟು ಕೊಂಡು ಮಾಡುವಾತ ಭಕ್ತನಲ್ಲ. ಅದು ಧಾತೃವರ್ಧನ ಸಂಬಂಧ. ಭಕ್ತಿಯಿಂದ ಮಾಡುವಲ್ಲಿ ತ್ರಿವಿಧ ಮಲವ ಹರಿದವನ, ತ್ರಿಗುಣ ಗುಣವರತವನ, ತ್ರಿಗುಣಾತ್ಮಕ ಭೇದಕನ; ಸರ್ವಸಂಗ ಪರಿತ್ಯಾಗವ ಮಾಡಿದ ಪರಮ ವಿರಕ್ತರ ತಥ್ಯ ಮಿಥ್ಯ ರಾಗದ್ವೇಷಂಗಳ ಸ್ವಪ್ನದೊಳಗೂ ಅರಿಯದವನ ಆತ ಗುರುವೆಂದು, ಆತ ಚರವೆಂದು ನಲಿದು ಮನ ಮುಕ್ತವಾಗಿ ಮಾಡುತ್ತಿರಬೇಕು. ಇದು ಸದ್ಭಕ್ತರ ಅರಿವಿನ ಕುರುಹಿನ ಮಾಟ. ಆತ ವ್ಯಾಪಾರದ ಕೂಗಿನ ದನಿಗೆ ಹೊರಗು ಮಹಾಮಹಿಮ ಮಾರೇಶ್ವರಾ.

Transliteration Comment None