ಬಹುರೂಪಿ ಚೌಡಯ್ಯ   
Index   ವಚನ - 1    Search  
 
ಅಂಡಜ ಪೃಥ್ವಿ ಉದಯಿಸದಂದು ಭೂಮಂಡಲವಾಗದಂದು ಪಿಂಡಜ ಬೀಜವ ನವಬ್ರಹ್ಮರು ತಾರದಂದು ನವಖಂಡವ ರಚಿಸದಂದು ಪೃಥ್ವಿ ಅಪ್ಪು ತೇಜ ವಾಯು ಆಕಾಶವೆಂಬ ಪಂಚಭೂತಾದಿ [ಸ್ಥ]ಳವಿಡದಂದು ಅನುಕರಿಸದಂದು, ರೂಹಿಸದಂದು ಅತಿಮಥನ ಒಡ್ಡದಂದು ಇಪ್ಪತ್ತೈದರ ಸ್ಥಳವ ಹೆಸರುಗೊಂಡು ಕರೆಯದಂದು ಎನಗೆ ತನಗೆಂಬಿಚ್ಫೆ ತನ್ನ ತಲೆದೋರದಂದು ಋಷಿಗಳಾಶ್ರಯ ಲೋಕದಲ್ಲಿ ಹರಿಯದಂದು ಅಂದು ಬಸವನಿದ್ದ ಕಾಣಾ, ರೇಕಣ್ಣಪ್ರಿಯ ನಾಗಿನಾಥಾ.
Transliteration Comment None