ಅಯ್ಯಾ, ನಾನು ಹುಟ್ಟಿದಂದಿಂದ ಲಿಂಗವನಲ್ಲದೆ ಆರಾಧಿಸೆ.
ಜಂಗಮಕ್ಕಲ್ಲದೆ ನೀಡೆ, ಶರಣಸಂಗವಲ್ಲದೆ ಮಾಡೆ.
ಕಲ್ಯಾಣದ ಮಹಾಗಣಂಗಳೊಂದು ಹೊಳೆಯ ಮಾಡಿಕೊಟ್ಟರು.
ಆ ಹೊಳೆಯಲ್ಲಿ ಹೆಣ್ಣು ಗಂಡು ಸುಳಿಯಲೀಯೆನು.
ಚಿಕ್ಕವರು ಹಿರಿಯರ ಸುಳಿಯಲೀಯೆನು.
ಎಲ್ಲಾ ಮಹಾಗಣಂಗಳು ಎನ್ನ ಹೊಳೆಯಲೆ ಹಾಯುವರು.
ಲಿಂಗದ ವಸ್ತ್ರವನೊಗೆದು ಕಾಯಕದಲ್ಲಿ ಶುದ್ಧನಾದೆನು.
ಎನ್ನ ಕಾಯಕವನವಧರಿಸು ಕಲಿದೇವಯ್ಯಾ.
Art
Manuscript
Music
Courtesy:
Transliteration
Ayyā, nānu huṭṭidandinda liṅgavanallade ārādhise.
Jaṅgamakkallade nīḍe, śaraṇasaṅgavallade māḍe.
Kalyāṇada mahāgaṇaṅgaḷondu hoḷeya māḍikoṭṭaru.
Ā hoḷeyalli heṇṇu gaṇḍu suḷiyalīyenu.
Cikkavaru hiriyara suḷiyalīyenu.
Ellā mahāgaṇaṅgaḷu enna hoḷeyale hāyuvaru.
Liṅgada vastravanogedu kāyakadalli śud'dhanādenu.
Enna kāyakavanavadharisu kalidēvayyā.
