ಅಪರವನರಿದುದೆ ಖರ್ಪರ, ತ್ರಿವಿಧವ ಮುರಿದುದೆ ಕಟ್ಟಿಗೆ.
ಸರ್ವವ ಕೇಳಿ ಕೇಳದಂತಿಪ್ಪುದೆ ಕುಂಡಲ.
ರುದ್ರಪಾಶವ ಕಿತ್ತು ಗಟ್ಟಿಗೊಂಬುದೆ ಜಡೆ.
ಜ್ಞಾನ ವಿಜ್ಞಾನ ಸುಜ್ಞಾನ ಮಹಾಜ್ಞಾನ ಅಪರಜ್ಞಾನ.
ಇಂತೀ ಪಂಚಜ್ಞಾನ ದಹ್ಯಮಂ ಮಾಡಿ,
ಬ್ರಹ್ಮಲಿಖಿತವ ತೊಡೆವಂತೆ ಧರಿಸುವುದು ತ್ರಿಪುಂಡ್ರವ.
ಇಂತೀ ವೇಷವ ಧರಿಸಿ ಭಕ್ತನೆಂಬ ಭೂಮಿಯಲ್ಲಿ,
ಸಕಲಕರಣಂಗಳ ತೀರ್ಥಯಾತ್ರೆಯಂ ಮಾಡುತ್ತ,
ಕಳೆದುಳಿಯಬಲ್ಲಡೆ, ಆತನೇ ಲಿಂಗಜಂಗಮ,
ನಿಃಕಳಂಕ ಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Aparavanaridude kharpara, trividhava muridude kaṭṭige.
Sarvava kēḷi kēḷadantippude kuṇḍala.
Rudrapāśava kittu gaṭṭigombude jaḍe.
Jñāna vijñāna sujñāna mahājñāna aparajñāna.
Intī pan̄cajñāna dahyamaṁ māḍi,
brahmalikhitava toḍevante dharisuvudu tripuṇḍrava.
Intī vēṣava dharisi bhaktanemba bhūmiyalli,
sakalakaraṇaṅgaḷa tīrthayātreyaṁ māḍutta,
kaḷeduḷiyaballaḍe, ātanē liṅgajaṅgama,
niḥkaḷaṅka mallikārjunā.
