ಮೂಗಿಲ್ಲದ ಸತಿಗೆ ಪತಿಯಾದಾತ

ಮೂಗಿಲ್ಲದ ಸತಿಗೆ ಪತಿಯಾದಾತ ಚಂದ್ರಸಾಲೆಯ ರಚಿಸಿ, ಮಲವ ಭುಂಜಿಸಿದಾತ ರಂಗಮಂಟಪವ ರಚಿಸಿ, ಪುತ್ರರು ಇಲ್ಲದ ಸತಿಯರಿಗೆ ಪತಿಯಾದಾತ ಗರ್ಭಮಂಟಪವ ರಚಿಸಿ, ಈ ಮೂವರು ಕೂಡಿ ರಚಿಸಿದ ಅರಗಿನ ದೇವಾಲಯದೊಳಗೆ ಒಂದು ಉರಿಲಿಂಗ ಉದ್ಭವಿಸಿ, ಆಲಯದ ತೊಲಿ ಕಂಬ ಬೋದು ಜಂತಿಯೆಲ್ಲವನು ದಹಿಸಿ, ಆಲಯವನುಳುಹಿ, ಗೊರವನ ನುಂಗಿ ಮೂವರ ಕೊಂದು ಮೂರುಗೂಡಿದ ಠಾವಿನಲ್ಲಿ ನಿಃಪತಿಯಾಯಿತು. ಕಾಡನೊಳಗಾದ ಶಂಕರಪ್ರಿಯ ಚನ್ನಕದಂಬಲಿಂಗ ನಿರ್ಮಾಯಪ್ರಬುವೆ, ಈ ಭೇದವನು ನಿಮ್ಮ ಶರಣರೇ ಬಲ್ಲರಲ್ಲದೆ ಈ ಲೋಕದ ಮೂಢಾತ್ಮರೆತ್ತ ಬಲ್ಲರಯ್ಯ ?

Transliteration Sthala Comment None