ಶ್ರೀಗುರುಲಿಂಗಜಂಗಮದ ದೀಕ್ಷಾಭಸಿತವ ನಂಬುಗೆಯಿಂದ

ಶ್ರೀಗುರುಲಿಂಗಜಂಗಮದ ದೀಕ್ಷಾಭಸಿತವ ನಂಬುಗೆಯಿಂದ ಅಷ್ಟೈಶ್ವರ್ಯವಿದೆಂದು ಶ್ರೀಗುರುಸ್ಮರಣೆಯಿಂದ ಲಲಾಟದಲ್ಲಿ ಧರಿಸಿದಾಕ್ಷಣವೆ ಬ್ರಹ್ಮನ ಆಜ್ಞೆಯಿಂದ ವಿಧಿಬರೆದ ಲಿಖಿತವ ತೊಡದು ಶಿವಲಿಖಿತವ ಲಿಖಿಸುವುದಯ್ಯ, ಶ್ರೀಗುರುಲಿಂಗಜಂಗಮದ ದೀಕ್ಷಾಭಸಿತವ ಗುರುತ್ವವಕೊಟ್ಟು ಲಿಂಗನಿಷ್ಠಾಪರಭಕ್ತಿಯ ತೊರುವುದಯ್ಯ, ಶ್ರೀಗುರುಲಿಂಗಜಂಗಮದ ದೀಕ್ಷಾ-ಶಿಕ್ಷಾ-ಜ್ಞಾನಭಸಿತವ ಸರ್ವಾಂಗದಲ್ಲಿ ಸ್ನಾನಧೂಳನವ ಮಾಡಿ ನಾಲ್ವತ್ತೆಂಟು ತತ್ವಸ್ಥಾನಂಗಳಲ್ಲಿ ಮಂತ್ರಸ್ಮರಣೆಯಿಂದ ಧರಿಸಿದ ಲಿಂಗಶರಣರಿಗೆ ಸರ್ವಾಚಾರಸಂಪತ್ತಿನ ಜಂಗಮಾನುಭಾವವ ತೋರುವುದಯ್ಯ. ಸಕಲಕ್ರಿಯೆಗಳಿಗೆ ಈ ಕ್ರಿಯಾಚಿದ್ಭಸಿತವೆ ಶುಭತಿಲಕವಯ್ಯ, ಇಂಥ ಶ್ರೀಗುರುಲಿಂಗಜಂಗಮದ ಪಾದೋದಕ ಪ್ರಸಾದ ಕ್ರಿಯಾ ಚಿದ್ಭಸಿತಕಿಂದ ಪರವಸ್ತುವಿಲ್ಲ ನೋಡ. ಶ್ರೀಗುರುಲಿಂಗಜಂಗಮದ ಚಿತ್ಪ್ರಕಾಶ ಚಿದ್ಭಸಿತವೆ ಪರಾತ್ಪರವಸ್ತು ನೋಡಾ, ಸಂಗನಬಸವೇಶ್ವರ.

Transliteration Comment None