ಪಾದೋದಕ ಪ್ರಸಾದ ಅರ್ಪಿತ ಅವಧಾನವ ತಿಳಿದು,

ಪಾದೋದಕ ಪ್ರಸಾದ ಅರ್ಪಿತ ಅವಧಾನವ ತಿಳಿದು, ತಾ ಕೊಂಡು, ಕೊಡಬಲ್ಲಾತನೆ ಗುರುಲಿಂಗಜಂಗಮವು. ಅಂತಪ್ಪ ಗುರುಲಿಂಗಜಂಗಮವ ಭೇದಿಸಿ ಕೊಳಬಲ್ಲಾತನೆ ಸದ್ಭಕ್ತಪ್ರಸಾದಿಶರಣ. ಗುರುಲಿಂಗಜಂಗಮದ ಪಾದತೀರ್ಥವಾದ ಮೇಲೆ ತಾ ಸವಿದು ಲಿಂಗಕ್ಕರ್ಪಿಸಿ, ಲಿಂಗ ಸವಿದು, ತಾ ತೃಪ್ತನಾಗಿ ಆಚರಿಸುವುದೆ ಅದೇ ಉತ್ತಮೋತ್ತಮ ಲಿಂಗಾರ್ಪಣ ಶರಣಸಂತೃಪ್ತಿಯೆಂದಾತ ನಿಮ್ಮ ಶರಣ. ಚೆನ್ನಯ್ಯಪ್ರಿಯ ನಿರ್ಮಾಯಪ್ರಭುವೆ, ನೀವೆ ಬಲ್ಲಿರಿ.

Transliteration Comment None